అంతర్జాతీయం
నేనన్నది నిజమే!
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్: పర్యవసానాలు ఎలావున్నా తాను నిజం మాట్లాడి తీరుతానని పాక్ మాజీ ప్రధాని నవాజ్ షరీఫ్ స్పష్టం చేశారు. 26/11 దాడుల వెనుక పాక్ హస్తం ఉందంటూ తాను చేసిన వ్యాఖ్యలను గట్టిగా సమర్థించుకున్న షరీఫ్, తనపై వస్తున్న విమర్శలను తిప్పికొట్టారు. ముంబయి పేలుళ్ల వెనుక పాక్ హస్తం ఉందంటూ బాహాటంగానే ఓ ఇంటర్వ్యూలో షరీఫ్ వెల్లడించిన నేపథ్యంలో పాక్‌లో హాహాకారాలు చెలరేగాయి. ఆయన ప్రకటనలను తిరస్కరిస్తూ పాక్ జాతీయ భద్రతా కమిటీ ఉన్నతస్థాయి సమావేశాన్ని నిర్వహించింది. గతంలో నవాజ్ షరీఫ్ పార్టీ అవలంభించిన వైఖరికి తాజాగా ఆయన మాటలకు మధ్య పొంతన లేకపోవడంతో వివాదం చెలరేగింది. ‘ఆ ఇంటర్వ్యూలో నేను చెప్పిన దాంట్లో తప్పేముంది?’ అని నవాజ్ షరీఫ్ అన్నారు. అవినీతి కేసులో విచారణకు హాజరైన ఆయన ఇస్లామాబాద్‌లోని ఓ న్యాయస్థానం వెలుపల మీడియాతో మాట్లాడారు. శనివారం ఎప్పుడైతే షరీఫ్ ఈ వ్యాఖ్యలు చేశారో, ఆయన సారథ్యంలోని పార్టీ వివరణ ఇచ్చింది. షరీఫ్ అన్నది ఒకటైతే, భారత మీడియా ప్రచురించింది మరొకటని పేర్కొంది. అయితే షరీఫ్ మాత్రం తాను అన్నమాటకు కట్టుబడి ఉంటానని స్పష్టం చేయడంతోపాటు, పర్యవసానాలతో నిమిత్తం లేకుండా నిజాలనే చెబుతానని పునరుద్ఘాటించారు. ముంబయి పేలుళ్ల వెనుక పాక్ హస్తం ఉందన్నది తాను కొత్తగా బయటపెట్టిన విషయమేమీ కాదని, గతంలో మాజీ అధ్యక్షుడు పర్వేష్ ముషారఫ్, మాజీ హోంమంత్రి రెహ్మాన్ మాలిక్, మాజీ జాతీయ భద్రతా సలహాదారు మహమూద్ దురానీ సైతం ఈవిధమైన ప్రకటన చేశారన్నారు.
ఎవరైతే ప్రశ్నిస్తున్నారో వారిని దేశ ద్రోహులుగా చిత్రీకరించే ప్రయత్నం మొదలైందని షరీఫ్ తీవ్ర ఆగ్రహం వ్యక్తం చేశారు. ఇప్పటి వరకూ 50వేల మంది తమ ప్రాణాలను త్యాగం చేశారని, అయినప్పటికీ ప్రపంచ దేశాలు తమ వాదనను ఎందుకు వినడం లేదని ఆయన ప్రశ్నించారు. పైగా ఇలాంటి ప్రశ్నలు వేస్తున్న వ్యక్తిని దేశ ద్రోహిగా ముద్ర వేస్తున్నారని కూడా ఆవేదన వ్యక్తం చేశారు. తనపై విమర్శలు గుప్పిస్తున్న స్థానిక మీడియాపై కూడా ఆయన నిప్పులు చెరిగారు. కావాలనే తనపై ఈ రకమైన ప్రచారం జరుగుతోందని పేర్కొన్న షరీఫ్, ‘దేశాన్ని, దేశ రాజ్యాంగాన్ని తునాతునకలు చేసిన వ్యక్తులు దేశ భక్తులా?’ అంటూ ఎదురు దాడికి దిగారు. అలాగే న్యాయస్థానాల నుంచి న్యాయమూర్తులనే తొలగించిన వ్యక్తి దేశ భక్తుడా? అని కూడా పరోక్షంగా ముషారఫ్‌పై విరుచుకుపడ్డారు. ఎవరేమనుకున్నా, ఎవరి మనసు నొచ్చుకున్నా ఫలితాలు, పర్యవసానాలు ఏవిధంగా పరిణమించినా కూడా వాస్తవాలను చెప్పడంలో తననెవరూ నిరోధించలేరన్నారు. పాక్‌లో రాజ్యేతర శక్తులు క్రియాశీలకంగా ఉన్నాయంటూ చేసిన వ్యాఖ్యలను ధ్రువీకరిస్తారా? అన్న ప్రశ్నకు షరీఫ్ కుమార్తె మేరియాం జవాబిచ్చారు. దేశంలో రాజ్యేతర శక్తులు క్రియాశీలకంగా లేనపుడు సైనిక దాడులు జరపాల్సిన అవసరం ఏమిటి? మరి ఆ దాడులను ఎవరికి వ్యతిరేకంగా జరిపినట్టు? అని ఆమె ప్రశ్నించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.