అంతర్జాతీయం
నిఫా వైరస్‌తో మరొకరి మృతి
S ,7 à 8 RSCA (si SASPAS) et 6 cialis pharmacie cialis rapports de stage.
కోజిక్కోడ్, మే 24: నిఫా వైరస్ బారిన పడిన మరో వ్యక్తి చికిత్స పొందుతూ గురువారం ఉదయం మరణించడంతో, ఇప్పటి వరకు ఈ వ్యాధికి బలైనవారి సంఖ్య 11కు చేరింది. వి.మూసా (61) అనే వద్ధుడు కొద్ది రోజులుగా ఒక ప్రైవేటు ఆసుపత్రిలో వెంటిలేటర్ సహాయంతో చికిత్స పొందుతున్నాడు. పరిస్థితి విషమించి గురువారం ఉదయం మరణించాడని, జిల్లా వైద్యాధికారణి డాక్టర్. జయశ్రీ విలేకర్లకు తెలిపారు. మూసా మరణంతో ఆ కుటుంబంలో మృతుల సంఖ్య నాలుగుకు చేరింది. ఇదిలావుండగా 160 నమూనాలను వైరాలజీ ఇన్‌స్టిట్యూట్‌కు పంపగా, 13 కేసులకు నిఫావైరస్ నిర్ధారణ అయినట్లు ఆమె వెల్లడించారు. కాగా నిఫా వైరస్ బారిన పడిన మూసా కుటుంబ సభ్యులకు లినీ పుతుస్సెరీ మొదట్లో చికిత్స అందించింది. చివరకు ఈ వైరస్ బారినపడి ఆమె కూడా మరణించింది. ఇదిలావుండగా కోజిక్కోడ్, మలప్పురం, వాయనాడ్, కన్నూర్ జిల్లాలకు పర్యాటకులు వెళ్లకుండా ఉండటమే మంచిదని కేరళ ప్రభుత్వం సలహా ఇచ్చింది. నిఫా సమస్యపై చర్చించేందుకు రాష్ట్ర ప్రభుత్వం, శుక్రవారం కోజిక్కోడ్‌లో అఖిలపక్ష సమావేశాన్ని ఏర్పాటు చేసింది. ఇప్పటివరకు సంభవించిన మరణాలు, కేవలం కోజిక్కోడ్, మలప్పురం జిల్లాలోనే చోటుచేసుకోవడం గమనార్హం. ప్రస్తుతం 18 మంది ‘నిఫా’ రోగులు ఆసుపత్రుల్లో చికిత్స పొందుతున్నారు. 11 మంది ఇప్పటికే మరణించారు. కోజిక్కోడ్ జిల్లాలోని ఛంగరోథ్, కూరఛుండ్, కొత్తూర్, ఛెరువన్నూర్, ఛెక్యాడ్, ఛక్కిత్తపర, ఒలవన్న ప్రాంతాల్లో నిర్వహించే సమ్మర్ క్యాంపులు, శిక్షణా శిబిరాలను రద్దు చేస్తూ కలెక్టర్ ఆదేశాలు జారీచేశారు. అయితే వేసవి సెలవుల తర్వాత పాఠశాలల పునఃప్రారంభానికి సంబంధించి ఇంతవరకు నిర్ణయం తీసుకోలేదు.
చిత్రం..నిఫా వైరస్ సోకి మరణించిన మూసాకు మాస్కులు ధరించి అంత్యక్రియలు నిర్వహిస్తున్న ఆసుపత్రి సిబ్బంది
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.