అంతర్జాతీయం
చైనాలో తొలిసారిగా యోగా దినోత్సవం
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూన్ 16: అంతర్జాతీయ యోగా దినోత్సవాన్ని పాటించే దేశాల జాబితాలో చైనా చేరింది. షాంఘై సహకార సంస్థ (ఎస్‌సివో) శనివారం యోగా కార్యక్రమాలను నిర్వహించింది. యోగాసనాల ఈవెంట్‌ను చైనా నిర్వహించడం ఇదే తొలిసారి. ఐక్యరాజ్యసమితి జూన్ 21వ తేదీని అంతర్జాతీయ యోగా డే గా ప్రకటించి, 2014 నుంచి అమలు చేస్తోంది. చైనాలో యోగాభాస్యం చేసే వారి సంఖ్య రోజురోజుకు పెరుగుతోంది. చైనీయులు పెద్ద ఎత్తున యోగాభ్యాసం చేస్తున్నారు. శనివారం షాంఘైలో జరిగిన యోగా ఈవెంట్‌లో ఎస్‌సివో సెక్రటరీ జనరల్ రషీద్ ఆల్మీవ్, చైనాలో భారత్ రాయబారి గౌతమ్ బంబావాలే, అతని భార్య అనిత బంబావాలే హాజరయ్యారు. ఇంకా అనేక దేశాలకు చెందిన ప్రతినిధులు ఈ కార్యక్రమంలో పాల్గొన్నారు.
ఈ సందర్భంగా సెక్రటరీ జనరల్ రషీద్ ఆల్మీవ్ మాట్లాడుతూ, యోగా అంటే భారత్ గుర్తుకువస్తుందని, యోగా కార్యక్రమానికి దేశ, విదేశాలనుంచి ప్రతినిధులు హాజరు కావడం ఆనందంగా ఉందన్నారు. వివిధ దేశాలు, జాతులు, సంస్కృతులకు చెందిన 150 మంది హాజరు కావడం నిజంగా ఆశ్చర్యం కలిగిస్తోందన్నారు. ప్రజలను సంఘటితం చేసేందుకు, ఆరోగ్యపు అలవాట్లను పెంచేందుకు యోగ ఉపయోగపడుతుందన్నారు. చైనాలో యోగా భారత్ ప్రతినిధి మోహన్ సింగ్ భండారీ యోగా కార్యక్రమాలను నిర్వహించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.