అంతర్జాతీయం
సిరియా దక్షిణ ప్రాంతంపై రష్యా వైమానిక దాడులు
S ,7 à 8 RSCA (si SASPAS) et 6 cialis pharmacie cialis rapports de stage.
బీరుట్, జూన్ 28: సిరియాలోని దక్షిణ ప్రాంతంలో తిరుగుబాటుదార్ల శిబిరాలపై రష్యన్ విమానాలు బాంబుల వర్షం కురిపించింది. ఈ దాడిలో 22 మంది పౌరులు మరణించారు. ఆల్ సిఫ్రా పట్టణంపై రష్యా యుద్ధ విమానాలు 35 సార్లు దాడులు చేశాయని సిరియన్ మానవ హక్కుల నిఘా సంస్థ పేర్కొంది. ఒకచోట శిబిరంలో తలదాచుకుంటున్న 17 మంది ఈ దాడుల్లో మరణించారు. ఇందులో ఐదుగురు పిల్లలు కూడా ఉన్నారని బ్రిటన్‌కు చెందిన మానవ హక్కుల పర్యవేక్షణ బృందం పేర్కొంది. ఈ వైమానిక దాడుల తీవ్రతతో ఆసుపత్రిని కూడా మూసివేశారు. దారా ప్రాంతంలో చేపట్టిన వైమానిక దాడుల ఆపరేషన్‌లో ఐదుగురు మరణించారు. ఈనెల 19వ తేదీ నుంచి ఈ ప్రాంతంలో దాడులు తీవ్రం కావడంతో పౌరులు సురక్షిత స్థావరాలకు తరలి వెళుతున్నారు. ఇటీవల కాలంలో జరిగిన దాడుల్లో ఇంతపెద్ద ఎత్తున ప్రాణ నష్టం సంభవించడం ఇదే తొలిసారి అని సిరియా మానవ హక్కుల నిఘా సంస్థ ప్రతినిధి రామిఅబ్దుల్ రెహమాన్ తెలిపారు. ఈ ఏడాది ఈ ప్రాంతంలో రష్యా వైమానిక దాడులు తొలిసారిగా చేపట్టింది. కాగా ఈ ప్రాంతంలో సంఘర్షణను నివారించేందుకు రష్యా, అమెరికా, జోర్డాన్ గత ఏడాది అంగీకారానికి వచ్చాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.