అంతర్జాతీయం
ఆంక్షలు ఎత్తివేసేలా చూడండి
S ,7 à 8 RSCA (si SASPAS) et 6 cialis pharmacie cialis rapports de stage.
టోక్యో, జూలై 1: అమెరికా అధ్యక్షుడు డొనాల్డ్ ట్రంప్‌తో ఇటీవల జరిగిన శిఖరాగ్ర సమావేశం పూర్తిగా విజయవంతమైన నేపథ్యంలో తమపై ఇంతవరకు విధించిన ఆంక్షలను వెంటనే ఎత్తివేయాలని ఉత్తరకొరియా అధ్యక్షుడు కిమ్ జోంగ్ ఉన్ చైనా నేత జిన్‌పింగ్‌కు విజ్ఞప్తి చేసినట్టు ఒక జపనీస్ పత్రిక వెల్లడించింది. గత నెలలో చైనా అధ్యక్షుడు జిన్‌పింగ్‌తో కొరియా అధ్యక్షుడు కిమ్ జోంగ్ జరిపిన సమావేశమైన సంగతి తెలిసిందే. ఇటీవల అమెరికా అధ్యక్షుడు ట్రంప్‌తో జరిపిన సమావేశంలో అణు నిరాయుధీకరణకు ఉత్తరకొరియా అంగీకరించింది. అయితే ఆ దేశంపై విధించిన ఆంక్షలు కొనసాగుతాయని ట్రంప్ ప్రకటించారు. తమదేశంపై అనేక ఆర్థిక ఆంక్షలు విధించడం వల్ల పలు ఇబ్బందులు ఎదుర్కొంటున్నామని, అమెరికాతో జరిగిన సమావేశం పూర్తి సంతృప్తి స్థాయిలో జరిగినందున ఇంతవరకు తమపై విధించిన ఆంక్షలు ఎత్తివేయడానికి చైనా చొరవ చూపాలని ఉత్తర కొరియా కోరింది. గతంలో కిమ్ అణుపరీక్షలు నిర్వహించడం, అమెరికా ఇతర దేశాలకు కాలు దువ్వడం, దాంతో ఐక్యరాజ్యసమితి ఉత్తరకొరియాపై ఆంక్షలు విధించడం, దానిని చైనా సమర్థించడం తెలిసిందే. ఈ నేపథ్యంలో తమపై ఆంక్షలు రద్దు చేయడానికి చైనా మాత్రమే తమకు దౌత్యపరంగా సహకరించగలదని కొరియా భావిస్తోంది. ఈ నేపథ్యంలోనే అది చైనాను ఆశ్రయించింది. కాగా కొరియా విజ్ఞప్తికి చైనా సానుకూలంగా స్పందించిందని, ఆ దేశంపై విధించిన ఆర్థిక, ఇతర ఆంక్షలను తొలగించడానికి దౌత్యపరంగా తాము ప్రయత్నిస్తామని, అమెరికా, ఇతర దేశాలతో చర్చిస్తామని, ఈ విషయంలో కొరియా నిత్యం అందుబాటులో ఉండాలని హామీ ఇచ్చినట్టు జపనీస్ పత్రిక పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.