అంతర్జాతీయం
ఆ బాలలు మృత్యుంజయులు
S ,7 à 8 RSCA (si SASPAS) et 6 cialis pharmacie cialis rapports de stage.
చియాంగ్‌రాయ్, జూలై 10: థాయ్‌కేవ్ ఆపరేషన్ విజయవంతమైంది. థాయ్‌లోని ఒక గుహలో చిక్కుకున్న ఫుట్‌బాల్ కోచ్, 12 మంది బాలురు ఎట్టకేలకు సురక్షితంగా బయటపడటంతో ప్రపంచవ్యాప్తంగా హర్షాతిరేకాలు వ్యక్తమయ్యాయి. ఆదివారం నుంచి అధికారులు నిరంతరంగా చేపట్టిన రిస్క్యూ ఆపరేషన్ పూర్తిగా విజయవంతమైంది. గుహలో చిక్కుకున్న 13 మంది క్షేమంగా బయటకు వచ్చారు. జూన్ 23న గుహను చూడటానికి తమ కోచ్‌తో పాటు వెళ్లిన 12 మంది బాలురు హఠాత్తుగా అందులోకి వరద రావడంతో నాలుగు కిలోమీటర్ల దూరంలో వెనక్కివచ్చే మార్గం లేక చిక్కుకుపోయారు. వీరి జాడను కనిపెట్టిన అధికారులు పెద్దయెత్తున గుహ వద్దకు చేరుకుని రిస్క్యూ ఆపరేషన్ ప్రారంభించారు. ఆదివారం ప్రారంభించిన ఆపరేషన్‌లో నీరు, బురద, కొండరాళ్ల మధ్య నలుగురు బాలురను బయటకు తీసుకువచ్చారు. తర్వాత సోమవారం నలుగుర్ని, మంగళవారం కోచ్ సహా మిగిలిన నలుగురు బాలురని బయటకు తీసుకువచ్చారు. బయటకు తీసుకువచ్చిన బాలురందరూ ఆరోగ్యంగానే ఉన్నారని, ఆది, సోమవారం బయటకు తీసుకువచ్చిన వారిలో కొందరు చాక్‌లెట్, బ్రెడ్, అల్పాహారం అడిగారని అధికారులు తెలియజేశారు. అయితే ఇద్దరు బాలురికి ఊపిరితిత్తుల ఇన్‌ఫెక్షన్ సోకినట్టు అనుమానిస్తున్నారు. ఏదిఏమైనా మొదటి గ్రూప్‌లో బయటకు వచ్చిన వారిద్దరూ ఇప్పుడు హాస్పిటల్‌లో హుషారుగా ఉన్నారని వారు చెప్పారు. అయితే బయటపడ్డ వారిని కలుసుకోవడానికి వారి తల్లిదండ్రులకు ఇంకా అనుమతి ఇవ్వలేదని, వారికి అంటురోగాలు, ఇతర వ్యాధులు ఏమన్నా సోకాయన్న అనుమానంతో వారం రోజుల పాటు వారిని ఆసుపత్రిలో ఉంచి పరీక్షిస్తామని చెప్పారు. గుహలో చిక్కుకున్న వారిని రక్షించడానికి తన కంపెనీ తయారు చేసిన అతిచిన్న సబ్‌మేరైన్ వైల్డ్‌బార్‌తో బిలియనర్, స్పేస్ ఎక్స్ అధినేత ఇలాన్ ముస్క్ సోమవారం గుహవద్దకు తన టీమ్‌తో చేరుకున్నారు. అవసరమైతే దానిని వినియోగించడానికి సిద్ధం చేసినట్టు థాయ్‌లాండ్ మంత్రి అనుపాంగ్ పాచొండి తెలిపారు. గుహలో చిక్కుకున్న 13 మంది క్షేమంగా రావడం పట్ల ప్రపంచవ్యాప్తంగా హర్షాతిరేకాలు వ్యక్తమవుతున్నాయి. బాలల్లో ఆరుగురు మేసాయి ప్రాసిట్సార్ట్ స్కూల్ విద్యార్థులే. తమ విద్యార్థులు క్షేమంగా తిరిగి రావాలని చేసిన ప్రార్థనలు ఫలించాయని ఆ స్కూల్ ప్రతినిధి ఆనందాన్ని వ్యక్తం చేశారు. అందరూ క్షేమంగా బయటకు రావడానికి తీవ్రంగా కృషి చేసిన గత ఈతగాళ్లు, ఇతర రిస్క్యూటీమ్ సభ్యులపై అభినందనలు వెల్లువెత్తుతున్నాయి.
చిత్రం..బాలలు చిక్కుకున్నది ఈ గుహలోనే
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.