అంతర్జాతీయం
పాక్ కొత్త అధ్యక్షుడిగా ఆరిఫ్ అల్వీ
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, సెప్టెంబర్ 4: పాకిస్తాన్ కొత్త అధ్యక్షుడిగా డాక్టర్ ఆరిఫ్ అల్వీ (69) ఎన్నికయ్యారు. సోమవారం జరిగిన ఎన్నికల్లో ప్రధాని ఇమ్రాన్ ఖాన్ నాయకత్వంలోని పాకిస్తాన్ తెహ్రీక్-ఇ-ఇన్సాఫ్ (పీటీఐ) వ్యవస్థాపక సభ్యుల్లో ఒకరైన డాక్టర్ ఆరీఫ్ దేశ 13వ అధ్యక్షుడిగా ఎన్నికయ్యారు. అధ్యక్ష ఎన్నిక కోసం పోటీపడిన పాకిస్తాన్ పీపుల్స్ పార్టీ (పీపీపీ) అభ్యర్థి అయితాజ్ అహ్‌సన్, పాకిస్తాన్ ముస్లిం లీగ్-ఎన్ ప్రతిపాదించిన అభ్యర్థి వౌలానా ఫాజుల్ ఉర్ రెహ్మాన్‌లను ఓడించి ఆరిఫ్ అధ్యక్ష పీఠాన్ని కైవసం చేసుకున్నారు. జాతీయ అసెంబ్లీతోపాటు సెనేట్‌లో మొత్తం 430 ఓట్లు పోల్ కాగా అందులో డాక్టర్ ఆరిఫ్ అల్వీకి 212 ఓట్లు, రెహ్మాన్‌కు 131, అహ్‌సన్‌కు 81 ఓట్లు వచ్చాయి. ఆరు ఓట్లను తిరస్కరించారు. డాక్టర్ అల్వీ పాకిస్తాన్ తెహ్రీక్-ఇ-ఇన్సాఫ్ పార్టీకి 2006 నుంచి 2013 వరకు ప్రధాన కార్యదర్శిగా పనిచేశారు. ఈ ఏడాది జూలైలో జాతీయ అసెంబ్లీకి జరిగిన ఎన్నికల్లో ఆయన కరాచీ నుంచి ఎన్నికయ్యారు. కాగా, ప్రస్తుతం దేశాధ్యక్షుడిగా కొనసాగుతున్న మామ్‌నూన్ హుస్సేన్ పదవీకాలం ఈనెల 8వ తేదీతో ముగుస్తుంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.