అంతర్జాతీయం
అవినీతి కేసులో నవాజ్ షరీఫ్‌కు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, సెప్టెంబర్ 19: అవినీతి ఆరోపణలపై శిక్షపడి జైలుశిక్ష అనుభవిస్తున్న పాకిస్తాన్ మాజీ ప్రధాని నవాజ్‌షరీఫ్, అతని కుటుంబ సభ్యులకు పాకిస్తాన్ ఉన్నత న్యాయస్థానం గొప్ప ఊరట కలిగించింది. కింద కోర్టు విధించిన శిక్షను బుధవారం రద్దు చేస్తూ వారిని జైలు నుంచి విడుదల చేయాలని ఇస్లామాబాద్ హైకోర్టు ఆదేశించింది. లండన్‌లో లగ్జరీ ఫ్లాట్ల కొనుగోలు కేసుకు సంబంధించి మాజీ ప్రధాని నవాజ్ షరీఫ్ (68), అతని కుమార్తె మరయమ్, అల్లుడు కెప్టెన్ మహమ్మద్ సఫ్దార్‌లకు అకౌంటబిలిటీ కోర్టు జడ్జి మహమ్మద్ బషీర్ లకు వరుసగా 11 ఏళ్లు, 8 ఏళ్లు, ఒక సంవత్సరం జైలు శిక్ష విధిస్తూ జూలై 6న తీర్పు చెప్పారు. దీంతో వారిని రావల్పిండి జైలుకు తరలించారు. దానిపై హైకోర్టుకు అప్పీల్ చేయగా కేసు విచారించిన ఇద్దరు జడ్జిల ధర్మాసనం రావల్పిండిలోని అడియాల జైలు నుంచి వారిని విడుదల చేయాలని ఆదేశించింది. వారు 5 లక్షల విలువైన బెయిల్ బాండ్లను సమర్పించాలని కోర్టు ఆదేశించింది. అంతేకాకుండా కేసు ఆలస్యానికి ప్రయత్నించిన ఎన్‌ఎబి న్యాయవాదులకు జరిమానా విధించింది. కేసు విచారణ సందర్భంగా పాకిస్తాన్ ముస్లింగ్ లీగ్-నవాజ్ (పిఎంఎల్- ఎన్)కు చెందిన నేతలు షేష్‌బాజ్ షరీఫ్, పర్వేజ్ రషీద్, ఖుర్రందస్తగిర్, పలువురు కార్యకర్తలు కోర్టురూముకు వచ్చారు. కా గా, పనామా, ఇతర కేసులకు సంబంధించి గతం లో షరీఫ్‌పై దాఖలైన కేసులకు సంబంధించి విచారించిన సుప్రీం ఆయన ఎన్నికల్లో పోటీ చేయరాదని ఆదేశించిన విషయం తెలిసిందే.
చిత్రం..ఇస్లామాబాద్ హైకోర్టు ముందు పాకిస్తాన్ మాజీ ప్రధాని నవాజ్ షరీఫ్‌కు అనుకూలంగా నినాదాలిస్తూ,
విజయ ముద్రను ప్రదర్శిస్తున్న ఆయన మద్దతుదారుడు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.