అంతర్జాతీయం
ఫిలిప్పీన్స్‌లో 18మంది సజీవ సమాధి
S ,7 à 8 RSCA (si SASPAS) et 6 cialis pharmacie cialis rapports de stage.
నాగా ( ఫిలిప్పైన్స్), సెప్టెంబర్ 20: ఫిలిప్పైన్స్‌లోని మధ్య ప్రాంతంలో పర్వతాల్లో కొండ చరియలు విరిగిపడిన ఘటనలో 18 మంది సజీవంగా సమాధి అయ్యారు. పర్వతప్రాంతంలోని రెండుగ్రామాల్లో 30 ఇళ్లపై కొండ చరియలు విరిగిపడడంతో విషాద ఘటన చోటుచేసుకుంది. సెబూ ప్రొవిన్స్‌లోని నాగా సిటీకి సమీపంలో జరిగిన ఈ ఘటనలో శిథిలాల్లో చిక్కుకున్న వారి కోసం సహాయక చర్యలను చేపట్టారు. ఈ సంఘటనలో గాయపడిన ఏడుగురిని చికిత్సనిమిత్తం ఆసుపత్రికి తరలించారు. మరణించిన వారిలో వృద్ధులైన మహిళలు, పిల్లలు ఎక్కువ మంది ఉన్నారు. ఫిలిప్పైన్స్‌లో గత వారం సంభవించిన తుపానులో 88 మంది మరణించారు. 60 మంది గల్లంతయ్యారు. వీరి ఆచూకీ కోసం ఇప్పటికే ప్రభుత్వం పెద్ద ఎత్తున గాలింపు చర్యలు చేపట్టింది. దేశ రాజధానికి 570 కి.మీ దూరంలో ఉన్న నాగా పట్టణంకు సమీపంలో కొండచరియలు విరిగి పడిన ఘటనకు సంబంధించి ఇతర పర్వతప్రాంతాల్లో ముందస్తు చర్యలను చేపట్టింది. తన భర్త, కుమారుడు పనులకు వెళుతున్న సమయంలో ఒక్కసారిగా భూమి కంపించినట్లుగా శబ్ధం వినపడిందని, భూకంపం సంభవించినంత తీవ్రతతో కొండచరియలు విరిగిపడ్డాయని 53 సంవత్సరాల మహిళ క్రిస్టిటా విల్లార్బ తెలిపారు. అదృష్టవశాత్తు ఈ ఘటనలో తన భర్త, తాను, ముగ్గురు పిల్లలు క్షేమంగా బయటపడ్డారన్నారు. ఎవరికీ గాయాలు కాలేదన్నారు. తన ఇంటి ముందున్న సోదరుడు లారో కుటుంబమంతా ఈ దుర్ఘటనలో సజీవ సమాధి అయ్యారని ఆమె చెప్పారు. ఇరుగుపొరుగు వారు చాలా మంది రక్షించండి అంటూ చేస్తున్న ఆర్తనాదాలు వినిపించాయన్నారు. తమ కంటి ఎదుటే భారీ ఎత్తున కొండ చరియలు విరిగిపడుతూ దొర్లుకుంటూ వచ్చి ఇళ్లను కూల్చివేశాయన్నారు. ఈ విపత్తు ప్రళయాన్ని గుర్తుకు తెచ్చిందన్నారు. తన సోదరుడి ఇంట్లో చాలా మంది పిల్లలు ఉన్నారన్నారు. దేశంలో ఉత్తర ప్రాంతంలో ఈ తరహా ఘటన జరిగినప్పుడు బాధపడ్డామన్నారు. ఈ విపత్తు సొంత గ్రామంలో కూడా సంభవిస్తుందని కలలో కూడా ఊహించలేదన్నారు.
చిత్రం..మృతదేహాల కోసం గాలింపు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.