అంతర్జాతీయం
దూసుకుపోతున్న వాయేజర్-2
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, అక్టోబర్ 7: అంతరిక్ష శోధనలో అమెరికా మరింత దూసుకుపోతోంది. నాసా ప్రయోగించిన వాయేజర్-2 వ్యోమనౌక రోదసీ లోతుల్లోకి వెళ్లిందని అక్కడ కాస్మిక్ కిరణాల తీవ్రతనూ కనిపెట్టిందని నిపుణులు వెల్లడించారు. సౌర వ్యవస్థ ఆవలి నక్షత్ర మండలి ప్రాంతాన్ని సమీపించిన ఈ వ్యోమ నౌక అక్కడ కాస్మిక్ కిరణాల ఉద్ధృతిని గుర్తించడం అంతరిక్ష పరిశోధనలో ఓ కీలక ముందడగని నాసా ప్రకటించింది. 1977లో ప్రయోగించిన ఈ వ్యోమనౌక ప్రస్తుతం భూమికి 17.7 బిలియన్ కిలోమీటర్ల దూరంలో ఉంది. ఒక రకంగా చెప్పాలంటే సూర్యడికి భూమికి మధ్య ఉన్న దూరం కంటే 118 రెట్లు ఎక్కువన్నమాట. 2007 నుంచి ఈ వ్యోమనౌక మరింతగా సౌర వ్యవస్థ ఆవలి నక్షత్ర మండలి ప్రాంతంలోకి వేగంగా దూసుకుపోతోందని నాసా తెలిపింది. సౌర పదార్థాలు, అయస్కాంత క్షేత్రాల మయంగా ఉండే హెలియోస్పీయర్ ఎగువ పొర గుండా వాయేజర్ పయనిస్తోందని ఈ ప్రాంతాన్ని కనుక ఇది దాటగలిగితే ఇప్పటి వరకూ మానవ నిర్మిత వ్యోమనౌక సాధించిన రెండో ఘనత అవుతుందని నాసా వెల్లడించింది. ఇప్పటికే వోయేజర్-1 ఈ ఘనతను సాధించింది. రానున్న రోజుల్లో వాయేజర్-2 అందించే సౌర వ్యవస్థ ఆవలి నక్షత్ర మండలి వివరాలను మరింతగా తెలుసుకోగలుగుతామని, ఈ విషయంలో తమకు ఎలాంటి సందేహం లేదని ఈ ప్రాజెక్టు శాస్తవ్రేత్త ఎడ్‌స్టోన్ తెలిపారు. అయితే హెలియోస్పీయర్‌ను ఈ వ్యోమనౌక ఎప్పుడు సమీపిస్తుందన్నది కచ్చితంగా చెప్పలేమని ఆయన అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.