అంతర్జాతీయం
ఔను..నిజమే!
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, అక్టోబర్ 15: వాతావరణ మార్పుల విషయంలో అమెరికా అధ్యక్షుడు డొనాల్డ్ ట్రంప్ నాలిక్కరుచుకున్నారు. మొదట ఈ మార్పులు అభూత కల్పన అని పేర్కొన్న ఆయన ప్యారిస్ పర్యావరణ ఒప్పందంపైనా విమర్శలు గుప్పించిన విషయం తెలిసిందే. తాజాగా ఓ ఇంటర్వ్యూలో మాట్లాడిన ట్రంప్ పర్యావరణ మార్పులు వాస్తవమేనని, ఇవి కల్పన కాదంటూ వాస్తవ పరిస్థితుల్ని అంగీకరించారు. వాతావరణ మార్పులకు కారణమవుతున్న ప్రమాదకర కాలుష్య ఉద్గారాల విషయంలో అమెరికాపై వస్తున్న విమర్శలను ఆయన తిప్పికొట్టారు. ఈ మార్పులను నిరోధించే చర్యలకు సంబంధించి అమెరికా తగిన విధంగానే స్పందిస్తుందని పేర్కొన్న ట్రంప్ పర్యావరణ శాస్తవ్రేత్తలు భారీ రాజకీయ అజెండాతోనే పనిచేస్తున్నారని కూడా చిందులు వేశారు. వాతావరణ మార్పులు కల్పనేనని ఇప్పటికీ భావిస్తున్నారా అంటూ సిబిఎస్ 60 న్యూస్ చానల్ అడిగిన ప్రశ్నకు ‘నేను అలా భావించడం లేదు. అయితే ఇది మానవ కారణంగా సంభవించిదా కాదా అన్న విషయంలో నేను స్పష్టంగా ఏమీ చెప్పలేను’అని జవాబిచ్చారు. అయితే ఈ మార్పుల నిరోధనకు ట్రిలియన్ల కొద్దీ డాలర్లను ఇవ్వడానికి, అలాగే లక్షలాది ఉద్యోగాలు కోల్పోవడానికి నేను సిద్ధంగా లేను’అని స్పష్టం చేశారు. గతంలో పారిస్ ఒప్పందాన్ని తిరస్కరించిన ట్రంప్ దీని వల్ల చైనా, భారత్ వంటి దేశాలకు ప్రయోజనం కలుగుతోందని, అమెరికా నష్టపోతోందని వాదించిన విషయం తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.