అంతర్జాతీయం
మాతృమూలాలు మరవద్దు
S ,7 à 8 RSCA (si SASPAS) et 6 cialis pharmacie cialis rapports de stage.
పారిస్, నవంబర్ 10: ప్రపంచ వ్యాప్తంగా అన్ని దేశాలూ ఆర్థిక మాంద్యంలో కొట్టుమిట్టాడుతూంటే భారత్ మాత్రం అభివృద్ధి పథంలో ఆశాజనకంగా పరుగులు పెడుతోందని ఉపరాష్ట్రపతి ఎం.వెంకయ్య నాయుడు అన్నారు. ఇక్కడి భారతీయ సంతతినుద్దేశించి మాట్లాడిన ఆయన మాతృదేశంలో వెల్లువెత్తుతున్న అవకాశాలను సద్వినియోగం చేసుకుని భారీగా పెట్టుబడులు పెట్టాలని పిలుపునిచ్చారు. అలాగే భారత్‌లో పురివిప్పుతున్న కొత్త ఆవిష్కరణల్లో కూడా పాలుపంచుకోవాలన్నారు.
మొదటి ప్రపంచ యుద్ధం ముగింపు శతవార్షికోత్సవంలో పాల్గొన్న వెంకయ్యనాయుడు యునెస్కోలో మాట్లాడారు. భారతీయులు ఎక్కడ ఉన్నా తమ మూలాలను విస్మరించుకూడదని, మాతృదేశంలో సాగుతున్న అభివృద్ధి ప్రక్రియలో క్రియాశీలకంగా పాల్గొనాలని అన్నారు. భారత ప్రభుత్వం చేపడుతున్న సాహసోపేత సంస్కరణల వల్ల దేశ అభివృద్ధి స్వరూపమే మారిపోతోందని, ఎప్పటికప్పుడు కొత్త పుంతలు తొక్కుతోందని అన్నారు. ముఖ్యంగా వస్తు సేవల పన్ను (జిఎస్‌టి) వల్ల జాతీయ మార్కెట్ మరింత పాదర్శకంగా, శక్తివంతంగా మారిందన్నారు. ఈ నేపథ్యంలో వ్యాపార, వాణిజ్య అవకాశాలు విస్తరించాయని, వాటి విస్తరణకూ మార్గం మరింతగా సుగమమైందని చెప్పారు. నవ భారత నిర్మాణంలో భారతీయ సంతతివారందరూ తమ వంతు బాధ్యతను నెరవేర్చాల్సిన తరుణం ఆసన్నమైందన్నారు. ఫ్రాన్స్ దేశ శాస్త్ర, సాంకేతిక రంగం, వ్యవసాయం, పరిశ్రమలు, కళలు, సాంస్కృతిక వికాసంలోనే కాకుండా పాలన, రాజకీయాల్లో కూడా ప్రవాస భారతీయులు నిరుపమానమైన రీతిలో సేవలందించారని వెంకయ్య నాయుడు ఈ సందర్భంగా ప్రశంసించారు. వీరి కృషి పట్టుదల ఫ్రాన్స్‌కు ఎంత గర్వకారణమో మాతృదేశానికీ అంతే ఆనందదాయకమన్నారు. ఫ్రాన్స్ ప్రజా జీవితంలో భారతీయ సంతతి, ప్రవాస భారతీయులు నిరుపమానమైన రీతిలో తమ ప్రతిభను చాటుకున్నారని చెప్పారు. ఫ్రాన్స్ పార్లమెంట్, ఐరోపా పార్లమెంట్‌లో కూడా వీరు సభ్యులు కావడమే ఇందుకు నిదర్శనమన్నారు. భారత్-ఫ్రాన్స్ బంధం చాలా బలమైనదని పేర్కొంటూ రవీంద్రనాథ్ టాగూర్ మేధో ప్రభావం అనేక మంది ఫ్రాన్స్ మేధావులను కదిలించిందని గుర్తు చేశారు. జెఆర్‌డి టాటా సహా అనేక మంది భారతీయ ప్రముఖులకు ఫ్రాన్స్‌తో బలమైన అనుబంధం ఉందన్నారు.
చిత్రం..పారిస్‌లో భారతీయ సంతతి ప్రజలతో రాష్ట్రపతి వెంకయ్యనాయుడు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.