అంతర్జాతీయం
భూటాన్‌కు భారత్ సాయం రూ. 4,500 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 28: భూటాన్ దేశం 12వ పంచవర్ష ప్రణాళిక నిమిత్తం భారత్ 4,500 కోట్ల ఆర్థిక సహాయం అందజేస్తున్నట్టు ప్రధాని నరేంద్రమోదీ శుక్రవారం ప్రకటించారు. భూటాన్‌తో జలవిద్యుత్ ప్రాజెక్టుల విషయంలో జరుగుతున్న సహకారంతో ఇరుదేశాల మధ్య ద్వైపాక్షిక బంధాలు మరింత బలపడ్డాయని పేర్కొన్న ఆయన భూటాన్‌లోని మాంగ్‌దెచ్చు ప్రాజెక్టు పనులు త్వరలోనే పూర్తవుతాయని చెప్పారు. గత నెలలో జరిగిన ఎన్నికల్లో విజయం సాధించిన అనంతరం ప్రధానిగా బాధ్యతలు చేపట్టిన తర్వాత మొదటిసారి విదేశీ పర్యటనలో భాగంగా వచ్చిన భూటాన్ ప్రధాని లౌటేషెరింగ్, భారత్ ప్రధాని నరేంద్రమోదీతో సమావేశమయ్యారు. ఈసందర్భంగా భూటాన్‌కు భారత్ నమ్మకమైన మిత్రదేశమని మోదీ పేర్కొన్నారు. భూటాన్ అభివృద్ధిలో భారత్ ముఖ్యపాత్ర పోషిస్తుందని తెలిపారు. అందులో భాగంగా భూటాన్ 12వ పంచవర్ష ప్రణాళిక నిమిత్తం భారత్ 4,500 కోట్లను సహాయంగా అందజేస్తుందని ప్రకటించారు. అంతకుముందు రాష్టప్రతి భవన్‌కు విచ్చేసిన భూటాన్ ప్రధానికి సాదర స్వాగతం లభించింది. విదేశీ వ్యవహారాల శాఖ మంత్రి సుష్మాస్వరాజ్ ఆయనను కలిసి ఇటీవల ఎన్నికల్లో విజయం సాధించినందుకు అభినందనలు తెలిపారు. ఈ సందర్భంగా పలు ముఖ్య విషయాల్లో తమ భావాలను పంచుకున్నారు. రాజ్‌ఘాట్‌లోని మహాత్ముని సమాధి వద్ద భూటాన్ ప్రధాని నివాళి అర్పించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.