అంతర్జాతీయం
కుదరని సయోధ్య
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, డిసెంబర్ 28: మరో మూడురోజుల్లో కొత్త సంవత్సరంలో అడుగుపెడుతున్నా, అమెరికా, మెక్సికో దేశాల మధ్య గోడ నిర్మాణం వివాదం తేలలేదు. అటు దేశాధ్యక్షుడు డొనాల్ట్ ట్రంప్, ఇటు విపక్ష పార్టీ డెమాక్రట్ల మధ్య ఈ విషయమై సయోధ్య కుదరలేదు. ఎవరికి వీరు భీష్మించుకుని కూర్చోవడంతో సమస్య ముందుకు కదలడం లేదు. ఎక్కడేసిన గొంగళి అక్కడే ఉన్నట్లుగా గోడ నిర్మాణం అంశం తయారైంది. ఈ వివాదం వల్ల ఉద్యోగులు నష్టపోతున్నారు. మెక్సికో నుంచి అక్రమ వలసదారులను నిరోధించేందుకు గోడను నిర్మించాల్సిందేనని ట్రంప్ పట్టుదలతో ఉన్నారు. హౌస్ ఆఫ్ రిప్రెంజెంటేటీవ్స్‌లో డెమాక్రట్లకు మెజార్టీ ఉంది. సెనెట్‌లో వీరు మైనార్టీగా ఉన్నారు. సరిహద్దుగోడ నిర్మాణం వల్ల ఖజానాపై ఆర్థిక భారం పడుతుందని డెమాక్రట్లు అంటున్నారు. అధికార, విపక్ష పార్టీల మధ్య రాజీ కుదరకపోవడంతో, ఈ వివాదం కొత్త సంవత్సరంలో కూడా కొనసాగుతుందని రాజకీయ విశే్లషకుల అంచనా. వీరివివాదం వల్ల ఎనిమిది లక్షల మంది ఉద్యోగుల వేతనాలపై ప్రభావం పడింది. సరిహద్దు గోడ వల్ల మంచి ఫలితాలు వస్తాయని ఇజ్రాయేల్ గోడ వల్ల 99.9 శాతం ప్రయోజనాలు లభించినట్లుట్రంప్ వాదిస్తున్నారు. డొనాల్ట్ ట్రంప్ విజయం సాధించరాదనే భావనతో ఉండవద్దని, దేశ భద్రత గురించి ఆలోచించాలని ట్రంప్ డెమాక్రట్లనుకోరారు. దేశంలోకి అక్రమ వలసలను, క్రిమినల్స్ ప్రవేశాన్ని నిరోధించాల్సిందేనని, రాజీలేదని ట్రంప్ ట్వీట్ చేశారు. ప్రభుత్వ ఖర్చులను ఎలాభరిస్తామో, భద్రతతో కూడి ఉన్న గోడ నిర్మాణానికి నిధులను ఖర్చుపెట్టాల్సిందేనంటున్నారు. అమెరికా ప్రజల రక్షణకే ప్రాధాన్యత ఇస్తామన్నారు. పరిపాలనాధికారులు కూడాగోడ నిర్మాణంవైపు మొగ్గు చూపుతున్నారని, డెమాక్రట్లు అర్థం చేసుకోవాలన్నారు.క్రిస్మస్ రోజు కూడా ట్రంప్ వేడుకలకు దూరంగా ఉండి దేశ భద్రత కోసం గోడ గురించి ఆలోచించారన్నారు. డెమాక్రట్లు మాత్రం భద్రత గురించి పట్టించుకోకుండా ఇంటికెళ్లిపోయారని వైట్ హౌస్ ప్రతినిధి పేర్కొన్నారు. అధ్యక్షుడు ట్రంప్ పంతం కోసం ఉద్యోగులను బలి చేయరాదని డెమాక్రట్లు విమర్శిస్తున్నారు. ట్రంప్ మాత్రం తాను పట్టిన కుందేలుకు మూడే కాళ్లు అనే చందంగా వ్యవహరిస్తున్నారని సెనెటర్ రిచర్డ్ బ్లూమెంథల్ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.