అంతర్జాతీయం
గ్యాస్ పేలుడులో నలుగురు దుర్మరణం
S ,7 à 8 RSCA (si SASPAS) et 6 cialis pharmacie cialis rapports de stage.
మాస్కో, డిసెంబర్ 31: రష్యాలోని ఒక నివాసిత భవనంలో కొత్త సంవత్సరం సంబరాల్లో మునిగి తేలుతున్న సమయంలో జరిగిన గ్యాస్ పేలుడు నలుగురి ప్రాణాలను హరించింది. ఈ సంఘటనలో దాదాపు 70 మంది ఆచూకీ లభ్యం కాలేదు. పారిశ్రామిక పట్టణమైన మాగ్నిటోగోర్స్క్‌కు 1700 కిలోమీటర్ల దూరంలోని యూరల్ కొండ ప్రాంతంలో గల తూర్పు మాస్కోలో స్థానిక కాలమానం ప్రకారం ఉదయం దాదాపు 6 గంటల సమయంలో ఈ దుర్ఘటన జరిగింది. గ్యాస్ పేలుడుతో భవనంలోని చాలా భాగం కుప్పకూలింది. ఈ సంఘటనలో నలుగురు వ్యక్తులు అక్కడికక్కడే మరణించగా తీవ్రంగా గాయపడిన ఇద్దరు చిన్నారులను చికిత్స కోసం ఆసుపత్రికి తరలించారు. దాదాపు 70 మంది వరకు ఆచూకీ లభించలేదు. ఏడుగురు చిన్నారులు సహా 16 మందిని సంఘటన స్థలం నుంచి ఖాళీ చేయించారు. జాతీయ టెలివిజన్ కథనం ప్రకారం..దాదాపు 50 మంది వరకు శిథిలాల కింద చిక్కుకుపోయినట్టు తెలుస్తోంది. అయితే, ఎంతమంది అదృశ్యమైనదీ అధికారికరంగా వెల్లడికాలేదు. సంఘటన జరిగిన ప్రాంతంలో మైనస్ 18 డిగ్రీల సెంటీగ్రేడ్ ఉష్ణోగ్రతలు ఉండడంతో సహాయక చర్యలు చేపట్టడంలో కాస్త జాప్యం జరుగుతోందని అధికార వర్గాలు పేర్కొన్నాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.