అంతర్జాతీయం
డెమొక్రాట్లతో చర్చలు విఫలం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 10: మెక్సికో సరిహద్దుల్లో గోడ నిర్మించాలన్న అమెరికా అధ్యక్షుడు డొనాల్ట్ ట్రంప్ ప్రతిపాదన రోజు రోజుకు ముదురుతోంది. ఈ అంశంపై డెమాక్రట్లతో ట్రంప్ జరిపిన చర్చలు విఫలమయ్యాయి. చర్చల మధ్యలో నుంచి ట్రంప్ ఆవేశంతో నిష్క్రమించారు. ఎటువంటి పరిస్థితుల్లో 5.7 బిలియన్ డాలర్ల ఖర్చయ్యే గోడ నిర్మాణానికి అంగీకరించేది లేదని డెమాక్రట్లు భీష్మించుకుని కూర్చున్నారు. చర్చల మధ్యలో బల్లపై గట్టిగా చరుస్తూ ట్రంప్ సమావేశం నుంచి వెళ్లిపోవడంపై హౌస్ స్పీకర్ నాన్సీ పెలోసీ, సెనెట్ మైనార్టీ నేత చుక్ షూమర్ విస్మయం వ్యక్తం చేశారు. మెక్సికో నుంచి అక్రమంగా శరణార్థులు దేశంలోకి చొరబడడం, మాదకద్రవ్యాల అక్రమరవాణాను అరికట్టాలంటే గోడ నిర్మాణం అనివార్యమని ట్రంప్ స్పష్టం చేశారు. గోడ నిర్మాణం ఎన్నికల హామీ కావడంతో ట్రంప్ ఈ ప్రతిపాదన నుంచి వెనక్కు తగ్గేందుకు ససేమిరా అంటున్నారు. డెమాక్రట్లు మాత్రం గోడ వల్ల వచ్చే ప్రయోజనం ఏమీ లేదని, దండగమారి పని అని అంటున్నారు. మెక్సికో కూడా గోడ నిర్మాణానికి తమ దేశం ఎందుకు డబ్బును ఖర్చుపెడుతుందని అడ్డం తిరిగింది. ఈ వివాదం ఒక కొలిక్కిరాకపోవడంతో ఫెడరల్ ప్రభుత్వంలో ప్రతిష్టంభన నెలకొంది. ఈ ప్రతిష్టంభన గత నెల 22వ తేదీ నుంచి కొనసాగుతోంది. 19 రోజులుగా ఉద్యోగులు విధులకు హాజరు కావడం లేదు. 1995-96లో ఉద్యోగులు 21 రోజులు విధులకు హాజరు కాలేదు. రిపబ్లికన్లు, డెమాక్రట్ల మధ్య చర్చలు కొలిక్కి రాకపోవడంతో, రానున్న రోజుల్లో సంక్షోభం తీవ్రం కానుంది. 30 అడగుల ఎత్తున కాంక్రీట్ గోడ బదులు స్టీల్ ఫెన్సింగ్‌కు మొగ్గు చూపారన్న వార్తలు వచ్చాయి. కాని గోడ తప్ప మరే ప్రతిపాదనకు అంగీకరించేది లేదని ట్రంప్ కరాఖండిగా ప్రకటించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.