అంతర్జాతీయం
బ్రెజిల్‌లో కూలిన డ్యామ్
S ,7 à 8 RSCA (si SASPAS) et 6 cialis pharmacie cialis rapports de stage.
బ్రుమాడినో, జనవరి 26: బ్రెజిల్‌లో ఘోర ప్రమాదం చోటు చేసుకుంది. ఓ డ్యామ్ కూలిపోయి తొమ్మిది మంది మృతి చెందారు. 300 మంది గల్లంతయ్యారు. ఏడు మృతదేహాలను వెలికి తీసినట్టు అధికారులు వెల్లడించారు. బెలోహారిజొంటే నగరంలో ఈ విషాదం జరిగింది. ఎగువ ప్రాంతం నుంచి ఇనుమ రజనుతో వచ్చిన బూడిద ధాటికి డ్యామ్ కూలిపోయినట్టు స్థానిక గవర్నర్ తెలిపారు. మినాస్ గెరియాస్ రాష్ట్రంలో శుక్రవారం అర్థరాత్రి ఈ దుర్ఘటన చోటుచేసుకుంది. శనివారం తెల్లవారే సరికి ప్రమాదం వార్త తెలిసింది. తొమ్మిది మంది చనిపోగా, 300 మంది గల్లంతయ్యారు. ప్రాణనష్టం పెరగవచ్చని అధికారులు ఆందోళన వ్యక్తం చేస్తున్నారు. డ్యామ్ పక్కనే పనిచేస్తున్న ఓ కంపెనీకి ఉద్యోగులు 150 మంది ఆచూకీ తెలియకుండాపోయింది. డ్యామ్‌కు ఆనుకుని ఉన్న వాలే గనిలో ప్రమాదం జరిగే సమయంలో 427 మంది కార్మికులు పనిచేస్తున్నారని మినాస్ గెరియాస్ గవర్నర్ రోమియో జెమా వెల్లడించారు. 279 మంది ప్రాణాలతో బయటపడ్డారని ఆయన అన్నారు. మిగతావారి ఆచూకీ తెలియకుండాపోయిందని ఆయన అన్నారు. బ్రుమేడినో పట్టణం నుంచి వచ్చిన ఇనుపరజనుతో కూడిన బూడిద వల్లే ప్రమాదం జరిగిందని తెలిపారు. రహదారులు, ఫామ్‌హౌస్‌లు, ఇళ్లు ధ్వంసమయ్యాయని అన్నారు. వంద అగ్నిమాపక దళాలు, అధికారులు సహాయ కార్యక్రమాల్లో నిమగ్నమై ఉన్నారు.
చిత్రాలు..బ్రెజిల్‌లోని బ్రుమాడిన్హో వద్ద కొట్టుకుపోయన డ్యామ్. నీటిలో మునిగిన పరిసర ప్రాంతాలు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.