అంతర్జాతీయం
రెచ్చగొడితే..సహించేది లేదు
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూలై 14: దక్షిణ చైనా సముద్రంలోని వ్యూహాత్మక ప్రాంతానికి సంబంధించి తనకు వ్యతిరేకంగా అంతర్జాతీయ ట్రిబ్యునల్ ఇచ్చిన తీర్పును అమలు చేయడానికి ఏ దేశమైనా, ఎలాంటి రెచ్చగొట్టే చర్యకు దిగినా తాను నిర్ణాయక రీతిలో స్పందించాల్సి వస్తుందని చైనా గురువారం హెచ్చరించింది. ‘ట్రిబ్యునల్ తీర్పు ఆధారంగా ఎవరైనా చైనా భద్రతా ప్రయోజనాలకు వ్యతిరేకంగా రెచ్చగొట్టే చర్యకు దిగితే చైనా తిరుగులేని రీతిలో స్పందిస్తుందని నేను గట్టిగా చెప్పదలచుకున్నాను’ అని చైనా విదేశీ వ్యవహారాల మంత్రిత్వ శాఖ అధికార ప్రతినిధి లుకాంగ్ ఇక్కడ విలేఖరులకు చెప్పారు. పర్మనెంట్ కోర్ట్ ఆఫ్ ఆర్బిట్రేషన్ (పిసిఎ) ఏర్పాటు చేసిన ట్రిబ్యునల్ ఇచ్చిన తీర్పు ప్రభావం గురించి అడిగిన ఒక ప్రశ్నకు ఆయన బదులిస్తూ గత ఫిలిప్పీన్స్ ప్రభుత్వం చేసిన అక్రమ విజ్ఞప్తి ఆధారంగా ఆ ట్రిబ్యునల్‌ను ఏర్పాటు చేశారని, అందువల్ల అది అక్రమమని ఆయన అన్నారు.
చైనా ప్రస్తుత విధానంపై ట్రిబ్యునల్ ఇచ్చిన తీర్పు ప్రభావం ఏమాత్రం ఉండబోదని ఆయన వివరించారు. ట్రిబ్యునల్ తీర్పుపై చైనా మంగళవారం తీవ్ర ఆగ్రహం వ్యక్తం చేసిన విషయం తెలిసిందే. దక్షిణ చైనా సముద్రంలో చైనా ప్రయోజనాలకు వ్యతిరేకంగా పనిచేస్తున్న అమెరికా, జపాన్‌లపై చైనా అధికార మీడియా గురువారం విరుచుకుపడింది. అమెరికా, జపాన్‌లను ‘కాగితపు పులులు’గా, ‘నపుంసకులు’గా అభివర్ణించింది. చైనా తనవిగా పేర్కొంటున్న దక్షిణ చైనా సముద్రంలోని ద్వీపకల్పాల సమీపంలో ట్రిబ్యునల్ తీర్పును అమలు చేయడానికి అమెరికా యుద్ధనౌకలు విన్యాసాలకు దిగితే ప్రతి దాడి చేయడానికి చైనా మిలిటరీ సిద్ధంగా ఉండాలని చైనా అధికార కమ్యూనిస్టు పార్టీ నడుపుతున్న దిన పత్రిక ‘గ్లోబల్ టైమ్స్’ తన సంపాదకీయంలో చైనా ప్రభుత్వానికి సూచించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.