అంతర్జాతీయం
ఉగ్రవాదుల్ని వెనకేసుకొస్తున్నారా?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, జూలై 14: హిజ్బుల్ కమాండర్ బుర్హాన్ వనీని స్వాతంత్య్ర సమరయోధుడిగా పాక్ అభివర్ణించటం, ఇది రాజ్యాంగం ముసుగులో భారత ప్రభుత్వం చేసిన హత్యగా అంతర్జాతీయ వేదికలపే ప్రేలాపనలు చేయటంపై భారత్ తీవ్రస్థాయిలో మండిపడింది. దాయాది దేశం కాశ్మీర్‌లో విద్వేషాన్ని రెచ్చగొడుతోందని ఆరోపించింది. అంతర్జాతీయ వేదికలపై కాశ్మీర్ గురించి మాట్లాడే ఎలాంటి అర్హతా పాకిస్తాన్‌కు లేదని భారత్ స్పష్టం చేసింది. కాశ్మీర్‌లో ఉగ్రవాదుల చర్యలను మెచ్చుకోవటం, వారిని వీరులుగా పేర్కొనటం, ఇతర దేశాల భూభాగాల్లోకి చొరబడి కోవర్టు చర్యలకు పాకిస్తాన్ పాల్పడుతోందని ఐక్యరాజ్యసమితిలో భారత శాశ్వత ప్రతినిధి సయ్యద్ అక్బరుద్దీన్ ఘాటుగా స్పందించారు. బుధవారం జరిగిన 193 దేశాల సమితి సర్వసభ్య సమావేశంలో పాకిస్తాన్ దౌత్యవేత్త మలీహా లోధీ, భారత్‌పై రెచ్చగొట్టే వ్యాఖ్యలు చేశారు. బుర్హాన్‌వనీని రాజ్యాంగం ముసుగులో హత్య చేశారని ఆరోపించారు. వనీ ని కాశ్మీర్ నాయకుడిగా అమె అభిర్ణించారు. కాశ్మీర్‌లో భారత భద్రతాబలగాలు మానవహక్కుల ఉల్లంఘనలకు పాల్పడుతున్నాయనటానికి ఇది తాజా ఉదాహరణ అని ఆమె విమర్శించారు. దీనిపై అక్బరుద్దీన్ ఘాటుగానే జవాబిచ్చారు. ఐక్యరాజ్యసమితి వేదికను పాకిస్తాన్ పదేపదే దుర్వినియోగం చేస్తోందని అన్నారు. ‘ ఇతర దేశాల అంతర్గత వ్యవహారాల్లో జోక్యం చేసుకోవటం, ఉగ్రవాదాన్ని దేశ జాతీయ విధానంగా మార్చుకోవటం, టెర్రరిస్టులను పొగడటం పాక్ నైజంగా మారింది. చాలా సంవత్సరాలుగా పాక్ దుశ్చర్యలను అంతర్జాతీయ సమాజం గమనిస్తోందని’ అక్బరుద్దీన్ వ్యాఖ్యానించారు.
చిత్రం.. భారత శాశ్వత ప్రతినిధి సయ్యద్ అక్బరుద్దీన్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.