అంతర్జాతీయం
దాడికి మేం కారణం కాదు..
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఫిబ్రవరి 15: జమ్మూకాశ్మీర్‌లోని పుల్వామా జిల్లాలో గురువారం జరిగిన ఉగ్రదాడికి కారణం పాకేనంటూ ప్రపంచదేశాలన్నీ వేలెత్తి చూపుతున్నా.. తనకే పాపం తెలియదని.. తాము అమాయకులమని నమ్మించడానికి ప్రయత్నిస్తోంది ఆ దేశం. గురువారం భారత్‌లో జరిగిన ఉగ్రవాద దాడిని పాకిస్తాన్ దేశం ఒకపక్క ఖండిస్తూనే.. ఆ దాడికి తమ దేశం కారణమంటూ భారత్ చేస్తున్న ఆరోపణలను తిరస్కరించింది. అందులో తమకెలాంటి సంబంధం లేదని.. అయినా.. ఎలాంటి దర్యాప్తు జరపకుండానే భారత్ ఇలాంటి ఆరోపణలు చేయడం సరికాదని పేర్కొంది. పాకిస్తాన్ కేంద్రంగా కార్యకలాపాలు సాగిస్తున్న జైష్-ఈ-మహమ్మద్ (జేఈఎం) ఉగ్రవాద సంస్థ గురువారం జరిపిన ఈ దాడిలో భారత్‌కు చెందిన జవానులు 40 మందికి పైగా మృతి చెందిన విషయం తెలిసిందే. ఈ దాడి జరిగిన తర్వాత చాలాసేపు వౌనంగా ఉన్న పాకిస్తాన్ విదేశాంగ శాఖ గురువారం అర్థరాత్రి ఎట్టకేలకు దానిపై నోరువిప్పింది. ఈ మేరకు ఒక ప్రకటన విడుదల చేస్తూ భారత్‌లో జరిగిన ఉగ్రవాద దాడి ఉపేక్షించ రానిదని, కాశ్మీర్ లోయలో ఇలాంటి హింసాత్మక సంఘటనలను తాము ఎప్పుడూ ఖండిస్తూ వస్తున్నామని పేర్కొంది. ఈ దాడితో తమ దేశానికి ఎలాంటి సంబంధం లేదని స్పష్టం చేసింది. ఈ సంఘటనపై దర్యాప్తు ఇంకా పూర్తి కాకుండానే భారత్‌కు చెందిన మీడియా, భారత ప్రభుత్వం తామే దీనికి కారణమంటూ ప్రచారం చేయడాన్ని తాము ఖండిస్తున్నామని తెలియజేసింది. కాగా, ఉగ్రదాడి అనంతరం దానికి తామే కారణమంటూ జేఈఎం ప్రకటించిన నేపథ్యంలో ఉగ్రవాదులకు సహకరించడం నిలిపివేయాలని, వారి దేశం కేంద్రంగా చేసుకుని ఇలాంటి కార్యకలాపాలకు పాల్పడుతున్న ఉగ్రవాద సంస్థలపై కఠినంగా వ్యవహరించాలని భారత్ ప్రభుత్వం పాక్‌ను హెచ్చరించింది. అంతేకాకుండా జేఈఎం సంస్థ చీఫ్ మసూద్ అజార్‌ను పేరుమోసిన ఉగ్రవాదుల జాబితాలో ఉంచాలని భారత్ ప్రభుత్వం ఐక్యరాజ్య సమితి భద్రతా మండలిపై ఇతర దేశాలతో కలిసి ఒత్తిడి తెస్తోంది. పాకిస్తాన్ కేంద్రంగా ఉగ్ర కార్యకలాపాలకు పాల్పడుతున్న ఇలాంటి సంస్థలను నిషేధించాలని కోరుతూ వస్తోంది. ఇలావుండగా, ఉగ్రదాడిని అమెరికా దేశం ఖండించింది. ఉగ్రవాద సంస్థలకు స్వర్గ్ధామంలా మారిన పాక్ ఇకనైనా వారికి మద్దతు ఇవ్వడం మానుకోవాలని ఆ దేశాన్ని అమెరికా హెచ్చరించింది. ఈ మేరకు అమెరికా వైట్‌హౌస్ ప్రెస్ సెక్రటరీ సారా శాండర్స్ ఒక ప్రకటన విడుదల చేస్తూ ఉగ్రవాదంపై పోరు విషయంలో తాము పూర్తి అంకితభావంతో ఉన్నామని, ఈ విషయంలో తాము భారత్‌కు పూర్తి సహాయ సహకారాలు అందిస్తామని ప్రకటించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.