అంతర్జాతీయం
ఉగ్రవాదంపై పోరులో భారత్‌కు సంపూర్ణ మద్దతు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్/న్యూఢిల్లీ, ఫిబ్రవరి 16: ఉగ్రవాదానికి వ్యతిరేకంగా భారత్ చేపట్టే ఎలాంటి చర్యలకైనా తమ దేశం పూర్తిగా సమర్థిస్తుందని, సంపూర్ణ మద్దతు ఇస్తుందని అమెరికా జాతీయ సెక్యూరిటీ సలహాదారు జాన్ బోల్డన్ అన్నారు. జమ్మూ-కాశ్మీర్‌లోని పుల్వామా ప్రాంతంలో గురువారం పాకిస్తాన్‌కు చెందిన జైష్-ఏ-అహమ్మద్ ఉగ్రవాదులు జరిపిన దాడిలో 40 మంది సీఆర్‌పీఎఫ్ జవాన్లు మృతి చెందిన నేపథ్యంలో సానుభూతి వ్యక్తం చేసిన జాన్ బోల్టన్ ఈమేరకు భారత భద్రతా సలహాదారు అజిత్ దోవల్‌తో ఫోన్‌లో సంభాషించారు. ఉగ్రవాదాన్ని ఎదుర్కోవడానికి భారత ప్రభుత్వం చేపట్టే ఎలాంటి చర్యలకైనా తాము పూర్తిగా మద్దతునిస్తూ సహకరిస్తామని ఆయన స్పష్టం చేశారు. ‘ఉగ్రవాదంపై పోరులో భారత్‌కు మేము అండగా ఉంటాం. ఇదే తరుణంలో ఉగ్రవాదులకు పాకిస్తాన్ ఆశ్రయం ఇవ్వవద్దు’ అని ఆయన అన్నారు. ఉగ్రవాద సంస్థలకు ఆశ్రయం ఇవ్వడాన్ని, ఏ రకంగానైనా సహాయ సహకారం కూడా ఇవ్వరాదని ఆయన పాక్‌కు గట్టిగా హెచ్చరించారు. 40 మంది సీఆర్‌పీఎఫ్ జవాన్లను పాక్ ఉగ్రవాదులు బలిగొన్న నేపథ్యంలో ఈ దాడిని అగ్రరాజ్యమైన తమ దేశం తీవ్రంగా ఖండించిందని అంటూ తమ దేశం తరఫున సానుభూతిని వ్యక్తం చేశారు. ‘ఉగ్రవాదంపై ఎలాంటి పోరాడేందుకు తద్వారా దేశ రక్షణకు తీసుకునే ఎలాంటి చర్యలకైనా మా దేశం పూర్తి మద్దతు ఇస్తుంది. ఈ విషయమై భారత భద్రతా సలహాదారుతో ఇప్పటికే రెండుసార్లు మాట్లాడాను. ఉగ్రదాడిని తీవ్రంగా ఖండిస్తూ సానుభూతిని వ్యక్తం చేస్తున్నాను’ అని అమెరికా భద్రతా సలహాదారు జాన్ బోల్టన్ పేర్కొన్నారు. ఉగ్రవాదులకు మద్దతు పలుకుతున్న పాకిస్తాన్ పట్ల తమ దేశ వైఖరిని ఇప్పటికే స్పష్టం చేశామని, ఇదే విషయమై నిరంతరం చర్చలు కూడా కొనసాగుతున్నాయని స్పష్టం చేశారు. అంతకుముందు యూఎస్ వైట్‌హౌస్, సెక్రెటరీ ఆఫ్ స్టేట్ మైక్ పోంపే మాట్లాడుతూ ఉగ్రవాదులకు ఆశ్ర యం, సహాయం తక్షణం విరమించుకోవాలని పాకిస్తాన్‌ను ఘాటుగా హెచ్చరించినట్టు తెలిపారు. అంతర్జాతీయంగా ముప్పుగా పరిణమిస్తున్న ఉగ్రవాదులకు రక్ష ణ కల్పించవద్దని తాము స్పష్టం చేసినట్టు తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.