అంతర్జాతీయం
మాకు చెప్పలేదు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఫిబ్రవరి 17: భారత్ పాకిస్తాన్‌కు ఇచ్చిన మోస్ట్ ఫేవర్డ్ నేషన్ (ఎంఎఫ్‌ఎన్) హోదాను ఉపసంహరించుకున్న విషయాన్ని తమ దేశానికి తెలియచేయలేదని పాకిస్తాన్‌కు చెందిన ఒక సీనియర్ అధికారి ఆదివారం తెలిపారు. పుల్వామాలో సీఆర్‌పీఎఫ్ జవాన్ల కాన్వాయ్‌పై ఉగ్రవాద దాడి జరిగిన తరువాత భారత్ పాకిస్తాన్‌కు వ్యతిరేకంగా గట్టి ఆర్థికపరమయిన చర్య తీసుకుంది. పుల్వామాలో ఉగ్రవాద దాడి జరిగిన మరుసటి రోజు శుక్రవారం భారత్ పాకిస్తాన్‌కు గతంలో ఇచ్చిన ఎంఎఫ్‌ఎన్ హోదాను ఉపసంహరించుకున్నట్టు ప్రకటించింది. పాకిస్తాన్ నుంచి దిగుమతి అయ్యే సరుకులపై దిగుమతి సుంకాన్ని 200 శాతం పెంచినట్టు, ఇది తక్షణమే అమలులోకి వచ్చినట్టు భారత్ శనివారం ప్రకటించింది. భారత్ ఎంఎఫ్‌ఎన్ హోదాను ఉపసంహరించుకున్నట్టు ప్రకటించిన రెండు రోజుల తరువాత వాణిజ్య వ్యవహారాలపై పాకిస్తాన్ ప్రధాని ఇమ్రాన్ ఖాన్‌కు సలహాదారు అయిన అబ్దుల్ రజాక్ దావూద్ మాట్లాడుతూ ఎంఎఫ్‌ఎన్ హోదాను ఉపసంహరించుకున్నట్టు భారత్ తమకు తెలపలేదని చెప్పినట్టు జియో న్యూస్ పేర్కొంది. ‘్భరత్ ఎంఎఫ్‌ఎన్ హోదాను ఉపసంహరించుకున్నట్టు చేసిన ప్రకటనను పరిశీలిస్తున్నాం. మేము ఈ అంశంపై భారత్‌తో మాట్లాడుతాము’ అని దావూద్ అన్నారు. పాకిస్తాన్ ప్రపంచ వాణిజ్య సంస్థ (డబ్ల్యూటీఓ) సహా వివిధ వేదికలపై ఈ అంశాన్ని లేవనెత్తుతుందని కూడా ఆయన తెలిపారు. ఎందుకంటే భారత్, పాకిస్తాన్ రెండు దేశాలూ డబ్ల్యూటీవో సభ్య దేశాలని ఆయన గుర్తుచేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.