అంతర్జాతీయం
యుద్ధంపై ఆసక్తి లేదు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఫిబ్రవరి 22: పాకిస్తాన్ ఆర్మీ తాను యుద్ధాన్ని కోరుకోవడం లేదని శుక్రవారం పేర్కొంది. అయితే, భారత్ ఎలాంటి సైనిక చర్యకు దిగినా, అది విస్తుపోయేలా తాము బదులిస్తామని తెలిపింది. కాశ్మీర్‌లోని పుల్వామాలో పాకిస్తాన్ కేంద్రంగా కార్యకలాపాలు నిర్వహిస్తున్న జైషే మహ్మద్ ఉగ్రవాద సంస్థ జరిపిన ఆత్మాహుతి బాంబుదాడిలో 40 మంది సీఆర్‌పీఎఫ్ జవాన్లు వీరమరణం పొందిన తరువాత ఇరు దేశాల మధ్య తీవ్రమయిన ఉద్రిక్త పరిస్థితులు నెలకొన్నాయి. ఈ నేపథ్యంలో పాకిస్తాన్ ఇంటర్ సర్వీసెస్ పబ్లిక్ రిలేషన్స్ (ఐఎస్‌పీఆర్) డైరెక్టర్ జనరల్ మేజర్ జనరల్ ఆసిఫ్ గఫూర్ శుక్రవారం ఇక్కడ విలేఖరుల సమావేశంలో మాట్లాడుతూ పుల్వామా ఘటనపై ఎలాంటి దర్యాప్తు జరపకుండానే భారత్.. పాకిస్తాన్‌ను నిందిస్తోందని విమర్శించారు. దేశ విభజన జరిగిందనే వాస్తవాన్ని కూడా భారత్ నేటికీ అంగీకరించడం లేదని ఆయన పేర్కొన్నారు. ‘మాకు 72 ఏళ్ల చరిత్ర ఉంది. 1947లో విభజన జరిగింది. పాకిస్తాన్ విముక్తి పొందింది. భారత్ ఇప్పటికీ ఈ వాస్తవాన్ని అంగీకరించడం లేదు’ అని ఆయన అన్నారు. ‘మేము యుద్ధానికి సన్నద్ధం కావడం లేదు. మీరు బెదిరింపులకు దిగితే.. వాటికి స్పందించే హక్కు మాకు ఉంది. మాపై చర్యకు దిగితే, మమ్మల్ని మేము రక్షించుకోవడానికి, తిప్పికొట్టడానికి సిద్ధంగా ఉన్నాం’ అని ఆయన అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.