అంతర్జాతీయం
భారత్ దాడి ఏకపక్షం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 5: పుల్వామా ఉగ్రవాద దాడి తదనంతర పరిణామాలపై భారత్ తానే న్యాయమూర్తిగా వ్యవహరిస్తోందని అమెరికాలో పాక్ రాయబారిగా పనిచేస్తున్న అసద్ మజీద్ ఖాన్ పేర్కొన్నారు. పాకిస్తాన్‌లో ఎటువంటి వ్యవస్థీకృత ఉగ్రవాద సంస్థ పనిచేయడం లేదని ఆయన చెప్పారు. పుల్వామాలో ఉగ్రవాద దాడి, 40 మంది సీఆర్‌పీఎఫ్ జవాన్ల అమరులైన నేపథ్యంలో భారత్ పాకిస్తాన్‌లోని బాలాకోట్‌పై వైమానిక దాడులను నిర్వహించిన సంగతి విదితమే. ఉగ్రవాద శిబిరంపై వైమానిక దాడులను నిర్వహించి 300 మంది ఉగ్రవాదులను చంపామని భారత్ చెప్పుకుంటోందని, తానే న్యాయమూర్తిగా వ్యవహరిస్తున్నట్లు ఖాన్ చెప్పారు. తటస్థ పరిశీలకులు కూడా ఈ దాడి, ఉగ్రవాదుల హతం కావడాన్ని తోసిపుచ్చిన విషయాన్ని ఆయన పేర్కొన్నారు. ఆయన ఇక్కడ మాట్లాడుతూ ఇప్పటికీ ఇరుదేశాల మధ్య పరిస్థితి ఉద్రిక్తతగా ఉన్నట్లు చెప్పారు. భారత్‌తో చర్చల ద్వారా శాంతిని కోరుకుంటున్నట్లు ఆయనచెప్పారు. తమ దేశ ప్రధాని ఇమ్రాన్ ఖాన్ కూడా ఇదే విషయాన్ని ప్రముఖంగా ప్రస్తావిస్తున్నారన్నారు. నిరంతరం చర్చలు, సంభాషణల ద్వారా మాత్రమే ఇరుదేశాల మధ్య ఉద్రిక్తతలను సడలించవచ్చన్నారు. తమ దేశ భూభాగం మీది నుంచి ఏ ఉగ్రవాద సంస్థకూడా పని చేయడం లేదన్నారు. పుల్వామా దాడి జరిగిన వెంటనే పాక్ ప్రేరిపిత ఉగ్రవాదులు ఈ ఘటనకు పాల్పడినట్లు రుజువులు తమ దేశానికి సమర్పించాల్సి ఉందన్నారు. ఈ ఘటన జరిగిన వెంటనే భారత్ ప్రభుత్వంతో పాటు మీడియా కూడా పాకిస్తాన్‌ను నిందించడమే పనిగా పెట్టుకున్నాయన్నారు. తమదేశం కేంద్రంగా ఉగ్రవాద దాడికి పాల్పడినట్లు రుజువైతే బాధ్యులపై కఠినమైన చర్యలు తీసుకునేందుకు సిద్ధంగా ఉన్నాయన్నారు. మా భూభాగంలోకి వచ్చిన రెండు భారత్ విమానాలను కూల్చివేసినట్లు చెప్పారు. మా దేశాన్ని రక్షించుకునే ఆత్మస్థైర్యం తమకు ఉందని, ఇది తమ హక్కు అన్నారు. ఉద్రిక్తతలు కొనసాగకుండా చర్చల ద్వారా వివాదాల పరిష్కారానికి పాకిస్తాన్ సిద్ధంగా ఉన్నట్లు ఆయన చెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.