అంతర్జాతీయం
పాక్‌కు వీసా నిబంధనల్లో అమెరికా మార్పులు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, మార్చి 6: జమ్మూకాశ్మీర్‌లో ఉగ్రదాడి నేపథ్యంలో ప్రపంచవ్యాప్తంగా దాదాపు అన్ని దేశాల నుంచి విమర్శలు, మొట్టికాయలు తింటున్న పాకిస్తాన్‌కు ఇపుడు మరింత దెబ్బ తగిలింది. వీసాల రూపంలో ఇప్పటివరకు పాక్ పౌరులకు వివిధ రూపాల్లో అందజేస్తున్న పరిమితులను అగ్ర దేశం అమెరికా మరింత కఠినతరం చేసింది. పాకిస్తాన్ పౌరులకు ఇప్పటివరకు ఉన్న వీసా నిబంధనల్లో భారీ మార్పులు చేస్తూ అమెరికా తాజాగా నిర్ణయం తీసుకుంది. ఈ మార్పులు తక్షణం అమల్లోకి వస్తాయని అమెరికా ప్రభుత్వం ప్రకటించింది. పాకిస్తాన్ పౌరులకు ఇప్పటివరకు అమెరికా వీసాలను ఐదేళ్ల కాలం నుంచి ఏడాదికి తగ్గించింది. పాకిస్తాన్‌లోని అమెరికా రాయబార కార్యాలయం తాజాగా విడుదల చేసిన తన అధికారిక నోటిఫికేషన్‌తో పాక్‌కు వీసా నిబంధనల్లో గట్టి దెబ్బ తగిలినట్టే. అమెరికాలో హెచ్ (తాత్కాలికంగా పనిచేసే వీసా), ఐ (జర్నలిస్టులు, మీడియా), ఎల్ (సంస్థ అంతర్గత బదిలీ వీసా), ఆర్ (మతపరంగా పనిచేసే వీసా)లను మరింత కఠినతరం చేసింది. ఈ విషయాన్ని ఎక్స్‌ప్రెస్ ట్రిబ్యూన్ అనే పత్రిక వెల్లడించింది. పాకిస్తాన్ పౌరులకు ఇప్పటివరకు ఉన్న ఐదేళ్ల వీసా కాలపరిమితిని ఏడాదికి తగ్గించింది. అదేవిధంగా జర్నలిస్టులు, మీడియా ప్రతినిధులకు అమెరికాలో పర్యాటక అనుమతిపై వచ్చే వీసాను మూడు నెలలకు కుదించింది. ఈ కాలపరిమితిని మూడు నెలల తర్వాత ఎట్టిపరిస్థితుల్లోనూ రెన్యువల్ చేయబోమని పాక్‌లోని అమెరికా రాయబార కార్యాలయం స్పష్టం చేసింది. అదేవిధంగా ఎల్ వీసాకు ఇప్పటివరకు చెల్లిస్తున్న ఫీజును 32 అమెరికా డాలర్ల నుంచి 38 డాలర్ల మేరకు పెంచింది. ఈ నిర్ణయం అన్ని విభాగాల్లో వీసా పొందే పాక్ పౌరులకు వర్తిస్తుందని స్పష్టం చేసింది. పాకిస్తాన్ సైతం ఇటీవల వాషింగ్టన్‌లోని పాక్ రాయబార కార్యాలయంలో అమెరికావాసులకు ఇచ్చే వీసా నిబంధనల్లో భారీగా మార్పులు చేసింది. అమెరికా జర్నలిస్టులకు సైతం పర్యాటక వీసాలను మూడు నెలలకు పాక్ కుదించింది. అందుకు ప్రతిగా ఇపుడు అగ్రరాజ్యం పాక్ పౌరులకు వివిధ రకాలుగా అందించే వీసాల్లో నిబంధనలు మార్చేందుకు, వీసా ఫీజులు పెంచేందుకు వీలుగా తాజా నిర్ణయం తీసుకుంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.