అంతర్జాతీయం
బాలీలో నిశ్శబ్దం
S ,7 à 8 RSCA (si SASPAS) et 6 cialis pharmacie cialis rapports de stage.
దెన్‌పాసర్, మార్చి 6: ఒక రోజంతా నిశ్శబ్దంలో జీవిస్తే ఎలా వుంటుం ది.. ఆ అనుభూతే వేరుగా ఉంటుంది.. అలాంటి అనుభూతిని పొందాలంటే ఇండొనేసియాకు వెళ్లాల్సిందే. కొత్త సంవత్సరం సందర్భంగా ఇండొనేసియాలో 24 గంటల పాటు నిశ్శబ్దం అలముకుంటుంది. బాలీలోని అంతర్జాతీయ విమానాశ్రయాన్ని మూసివేయడంతోపాటు అంతర్జాల సేవలన్నీ నిలిపివేస్తారు. గురువారం ఉదయం 6 గంటల నుంచి 24 గంటల పాటు ‘నైపీ’ పేరుతో ప్రజలంతా నిశ్శబ్దాన్ని పాటిస్తారు. టీవీ, రేడియోలు ప్రసారాల్ని నిలిపివేస్తాయి. ఈ సంప్రదాయానికి ఫోన్ కంపెనీలు సహకరించడంతో వరుసగా రెండో సంవత్సరం కూడా 24 గంటలపాటు తమ సేవలను పూర్తిగా నిలిపివేయనున్నాయి. ఈ హిందూదేశంలో దాదాపు 4 మిలియన్ల మంది నివసిస్తున్నారు. కొత్త సంవత్సరం రోజున ప్రజలంతా ఇళ్లలోనే ఉండిపోయారు. దర్వాజాలు, కిటికీలు మూసేస్తారు.. లైట్లు వేయరు.. అలా రోజంతా నిశ్శబ్దాన్ని పాటిస్తారు. కొత్త సంవత్సరం రోజు పూర్తి నిశ్శబ్దాన్ని పాటించి స్వచ్ఛమైన మనస్సుతో మళ్లీ కొత్త సంవత్సరం ప్రారంభిస్తామని క్యుటాలోని ఓ హోటల్ నిర్వాహకుడు వాయన్ గోటా తెలిపారు. అయితే ‘నైపీ’ ప్రారంభానికి ముందు రాత్రంతా ఎంతో కోలాహలంగా ఉంటుంది. చెడుపై సాధించిన విజయానికి చిహ్నంగా ‘ఓఘో-ఓఘో’ పేరుతో పెద్ద పెద్ద ఊరేగింపులు నిర్వహిస్తారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.