అంతర్జాతీయం
బ్రెగ్జిట్‌కు చుక్కెదురు
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, మార్చి 13: మరో 17 రోజుల్లో ఐరో పా యూనియన్ నుంచి వైదొలగడానికి సంబంధించిన డెడ్‌లైన్ పూర్తవుతున్న తరుణంలో బ్రిటన్ ప్రధాని థెరిస్సామే మరో తీవ్ర విఘాతాన్ని ఎదుర్కొన్నారు. ఐరోపా యూనియన్ నుంచి తప్పుకునేందుకు ఆమె ప్రతిపాదించిన బ్రెగ్జిట్ ప్రతిపాదనలను బ్రిటన్ పార్లమెంట్ తిరస్కరించింది. దీంతో యూనైటెడ్ కింగ్‌డమ్‌లో రాజకీయ అనిశ్చితి మరింత క్షీణించింది. తన బ్రెగ్జిట్ ప్రతిపాదనలకు సంబంధించిన ముసాయిదాను ఆమోదించాలని లేని పక్షంలో తీవ్ర స్థాయిలో గందరగోళ పరిస్థితులు ఎదురవుతాయన్న థెరిస్సామే హెచ్చరికలను సైతం బ్రిటన్ పార్లమెంట్ సభ్యులు ఖాతరు చేయలేదు. ఈ ప్రతిపాదనపై జరిగిన ఓటింగ్‌లో వ్యతిరేకంగా 391ఓట్లు, అనుకూలంగా 242 ఓట్లు వచ్చాయి. మరింతగా బ్రిటన్‌కు ఐరోపా యూనియన్ రాయితీలు కల్పిస్తుందంటూ పార్లమెంట్ సభ్యులను ఒప్పించేందుకు ప్రధాని చేసిన ప్రయత్నాలేవీ ఫలించలేదు. ఈ వాదనంతా కూడా పసలేనిదేనని, కేవలం బ్రిటన్ ప్రజలను ఒప్పించేందుకు జరుగుతున్న ప్రయత్నాలేనని ఎంపీలు వ్యాఖ్యానించారు. గత జనవరిలో కూడా థెరిస్సామే ఇదే రకమైన వైఫల్యాన్ని ఎదుర్కొన్నారు. అప్పట్లో 230 ఓట్ల తేడాతో ఆమె ప్రతిపాదనలు వీగిపోయిన నేపథ్యంలో తాజా వైఫల్య తీవ్రత తక్కువేనని విశే్లషకులు భావిస్తున్నారు. జనవరి వైఫల్యం నాటినుంచి తనకు అనుకూలంగా పరిస్థితులను మార్చుకునేందుకు బ్రిటన్‌కు లబ్ది చేకూర్చేవిధంగా ఐరోపా యూనియన్‌ను ఒప్పించేందుకు థెరిస్సామే చేసిన ప్రయత్నమేదీ ఎంపీలను ఆకట్టుకోలేదని చెప్పడానికి ఈ వైఫల్యమే నిదర్శనం. తాజా ఓటింగ్ సంబంధించి అధికార కన్సర్‌వేటివ్ పార్టీ ఎంపీలకు ఆమె పూర్తి స్వేచ్ఛనిచ్చారు. అయినప్పటికీ కూడా ఆమె అనుకున్న మేర ఫలితం రాలేదు. ఈ తాజా వైఫల్యంతో బ్రెగ్జిట్‌కు సంబంధించి గురువారం నాడు మరోసారి ఓటింగ్ జరిగే అవకాశం కనిపిస్తోంది. అంటే మార్చి 29లోగా ముగియనున్న ఈ గడువును రేపు జరిగే ఓటింగ్ ద్వారా పొడిగించే అవకాశం కనిపిస్తోంది. ఒక వేళ బ్రెగ్జిట్ గడువును పెంచాలని బ్రిటన్ పార్లమెంట్ నిర్ణయిస్తే దాన్ని ఐరోపా యూనియన్ ధృవీకరించాల్సి ఉంటుంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.