అంతర్జాతీయం
డ్రాగన్‌పై దృష్టి పెట్టాం
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, మార్చి 14: ఇటీవల కాలంలో హిందూ మహాసముద్రంలోని ఉత్తర ప్రాంతంలో చైనా దేశ కదలికలు అధికం అయ్యాయని, ఈ ప్రాంతంలో ఆ దేశ నౌకలు, సబ్‌మెరైన్‌లను అధిక సంఖ్యలో మోహరించారని, ఇది భారత్‌కు సవాల్ అయినా దానిపై తాము నిశితంగా దృష్టి సారించినట్టు నేవీ చీఫ్ అడ్మిరల్ సునీల్ లంబా తెలిపారు. బ్రిటన్‌లో నాలుగు రోజుల పర్యటనకు వచ్చిన ఆయన ఇండియన్ ఇనిస్టిట్యూట్ ఆఫ్ స్ట్రేటజిక్ స్టడీస్‌లో జరిగిన కార్యక్రమంలో మాట్లాడుతూ నావికాదళ అభివృద్ధిపై చైనా పెడుతున్నంత పెట్టుబడి ప్రపంచంలోని ఏ దేశం పెట్టడం లేదని అన్నారు. హిందూ మహాసముద్రంలో ఆ దేశం ఇటీవల కాలంలో తన కార్యకలాపాలను ముమ్మరం చేస్తోందని, శ్రీలంకలోని హంబన్‌టోటా పోర్టును 99 సంవత్సరాల లీజుకు తీసుకోవడం వ్యూహాత్మక చర్యల్లో భాగమేనని తాము భావిస్తున్నామన్నారు. తూర్పుచైనా ప్రాంతంలో ఆ దేశానికి జపాన్‌తో చాలాకాలంగా విభేదాలు ఉన్నాయని, వియా త్నం, పిలిప్పిన్స్, మలేషియా, బ్రూనే, థైవాన్ దేశాలతో సైతం మంచి సంబంధాలు లేవని ఆయన చెప్పారు. ఏ దేశం చేపట్టని విధంగా నౌకానిర్మాణం చేపట్టి నౌకలను సమకూర్చుకుంటోందని, ఇది మిగిలిన దేశాలకు పెనుసవాలే అని, అందుకే తాము నిరంతరం అప్రమత్తంగా ఉన్నామని ఆయన తెలిపారు. హిందూ మహాసముద్రంలోని ఉత్తర ప్రాంతంలో చైనాకు చెందిన ఆరు నుంచి ఎనిమిది యుద్ధ నౌకలు, సబ్‌మెరైన్‌లు మోహరించి ఉన్నాయని చెప్పారు. బ్రిటన్‌లో బ్రెగ్జిట్ అనంతర పరిణామాల గురించి భారత్ దృష్టి సారించడం లేదని, అయితే ఆ దేశంతో నావికా సంబంధమైన పటిష్టం చేసుకోవడం గురించి తాము యోచిస్తున్నామని తెలిపారు. ఇరుదేశాల మధ్య చిరకాలంగా ఉన్న స్నేహసంబంధాలను మరింత పటిష్టం చేసే దశలో తాము సాగుతున్నామన్నారు. ఇరుదేశాల మధ్య పటిష్టమైన రక్షణ సహాయం, సహకారం అవసరమని భావిస్తున్నామని తెలిపారు. బ్రిటన్ నావల్ స్ట్ఫా చీఫ్ అడ్మిరల్ ఫిలిప్ జోన్స్ మాట్లాడుతూ ఇరుదేశాల నావికాదళాల్లోనూ పోలికలున్నాయని చెప్పారు. నూతన సాంకేతిక పరిజ్ఞానం సముపార్జన, భవిష్యత్ ప్రణాళికలు, నూతన నౌకల నిర్మాణం తదితర అంశాల్లో రెండు దేశాలు స్పష్టమైన లక్ష్యంతో సాగుతున్నాయని చెప్పారు. ఆర్థిక వ్యవస్థలో ప్రపంచంలోనే మొదటి పది స్థానాల్లో ఉన్న భారత్, బ్రిటన్ దేశాలు నౌకానిర్మాణ పరిశ్రమలో సైతం పటిష్టమైన స్థానాలను కలిగి ఉన్నాయని ఆయన తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.