అంతర్జాతీయం
మమ్మల్ని కాపాడండి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 16: ‘ భూతాపం నుంచి మా జీవితాలకు రక్షణ ఏది’ అంటూ ప్రపంచ వ్యాప్తంగా విద్యార్థులు కదం తొక్కారు. భూగోళంలోని సమస్త జీవజాతులను కబళిస్తూ మానవ మనుగనే ప్రశ్నార్థకం చేస్తోంది. పర్యావరణ మార్పులను నిరోధించేందకు యుద్ధప్రాతిపదికన కఠిన చర్యలు చేపాలంటూ ముక్తకంఠంతో నినాదాలు చేశారు. దక్షిణ పసిఫిక్ నుంచి ఆర్టిక్ వలయం వరకు అనేక దేశాలకు చెందిన విద్యార్థులు పర్యావరణ పరిరక్షణే ధ్యేయంగా ఉద్యమించారు. దాదాపు వంద దేశాలకు పైగా చెందిన విద్యార్థులు తమ తరగతి గదులను బహిష్కరించి ఈ నిరసనలో పాల్గొన్నారు. పర్యావరణ సమతూకాన్ని కాపాడడంలో తమ దేశ ప్రభుత్వాలు విఫలం అయ్యాయన్న ఆగ్రహం వారి మాటల్లో కనిపించింది. సామాజిక మీడియా ఇతర ప్రసార సాధనాల ద్వారా అందిన సంకేతాలను అందిపుచ్చుకున్న విద్యార్థులతో పాటు అన్ని వర్గాలకు చెందిన ప్రజలు లక్షా యాభైవేల మంది ప్రజలు ఈ ప్రదర్శనలో పాల్గొన్నారు. సరిహద్దులు, భాషలు, ప్రాంతాలు తమను వేరు చేయలేవని ప్రపంచ పర్యావరణాన్ని పరిరక్షించే బాధ్యతను అన్ని దేశాలు తక్షణ ప్రాతిపదికన చేపట్టాలని డిమాండ్ చేశారు. అమెరికాలో జరిగిన మరో ప్రదర్శనలో ఎనిమిదేళ్ల బాలిక అవాన అడ్వర్స్ పర్యావరణాన్ని కాపాడుకు కోవడంలోనే ప్రపంచ మనుగడ ఆధారపడి ఉందని తెలిపింది. అమెరికాలో న్యూయార్క్ సిటీలో గల కోలంబస్ సర్కిల్ సిటీ హౌస్, అమెరికా మ్యూజియంలలో భారీ ఎత్తున ప్రదర్శన జరిగింది. నిబంధనలు ఉల్లంఘించిన 16మందిని అదుపులోకి తీసుకున్నట్లు పోలీసులు తెలిపారు. ప్రపంచ వ్యాప్తంగా విసర్జితమవుతున్న కాలుష్య ఉద్గారాల పరిణామాన్ని తగ్గించని పక్షంలో వాతావరణ పరిస్థితులు మరింతగా క్షీణించే ప్రమాదముందని శాస్తవ్రేత్తలు ఇప్పటికే హెచ్చరించిన నేపథ్యంలో విద్యార్థులే ఉద్యమ సారథ్యాన్ని చేపట్టడం గమనార్హం. మానవాళి చరిత్రలోనే ఇంతటి ప్రతికూల వాతావరణ పరిస్థితులు ఎప్పుడూ తలెత్తలేదని నోబెల్ శాంతి బహుమతికి నామినేట్ అయిన హన్‌బెర్గ్ స్టాక్‌హోమ్‌లో జరిగిన ఓ ర్యాలీలో అన్నారు. ప్రపంచ వ్యాప్తంగా ఎన్ని ఉద్యమాలు జరిగినా ఆయా ప్రభుత్వాల నేతలు రాజకీయ చిత్తశుద్ధితో చర్యలు చేపడితేనే వాతావరణ పరిరక్షణ సాధ్యమవుతుందని స్పష్టం చేసిన నిరసన కారులు ఈ దిశగా మరింత కఠిన చర్యలకు సిద్ధం కావలసిన అవసరం ఉందన్నారు. భారత రాజధానికి న్యూఢిల్లీలో కూడా స్కూలు పిల్లలు ప్రదర్శన చేపట్టారు. ఇప్పటికే దేశంలో కాలుష్యం పెరిగిపోతోందని అధికారులు తక్షణ ప్రాతిపదికన డిమాండ్ చేశారు.
చిత్రం.. వాతావరణ మార్పులకు వ్యతిరేకంగా మాంత్రియల్‌లో జరిగిన విద్యార్థుల ప్రదర్శన
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.