అంతర్జాతీయం
నీరవ్, మాల్యాను ఒకే జైలు గదిలో ఉంచుతారా?
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, మార్చి 30: పంజాబ్ నేషనల్ బ్యాంక్ (పీఎన్‌బీ)ని మోసం చేసి లండన్‌లో ఉంటున్న వజ్రాల వ్యాపారి నీరవ్ మోదీ బెయిల్ కోసం పెట్టుకున్న రెండో దరఖాస్తును కోర్టు తోసిపుచ్చింది. నీరవ్ బెయిల్ పిటిషన్ శుక్రవారం వెస్ట్‌మినిస్టర్ మెజిస్ట్రేట్ కోర్టులో విచారణకు వచ్చింది. బెయిల్ పిటిషన్‌ను కొట్టివేసిన మెజిస్ట్రేట్ ఎమ్మా ఆర్బుత్‌నాట్ కోర్టులో సరదా వ్యాఖ్యలు చేశారు. ఒక వేళ నీరవ్ మోదీని భారత్‌కు అప్పగిస్తే, విజయ్ మాల్యానుంచే జైలు గదిలోనే పెడతారా?అని వ్యాఖ్యానించారు. బహుషా మాల్యా కోసం సిద్ధం చేసిన ముంబయి ఆర్థర్ జైలులోనే నీరవ్‌ను ఉంచవచ్చని భారత్ తరుఫున వాదిస్తున్న క్రౌన్ ప్రిన్స్ సర్వీస్(సీపీఎస్) న్యాయవాది అన్నారు. దీనిపై ఎమ్మాపై విధంగా స్పందించారు. లిక్కర్ కింగ్, కింగ్‌ఫిషర్ మాజీ చైర్మన్ విజయ్‌మాల్యా కేసు ఇదే కోర్టు విచారిస్తోంది. మాల్యా, నీరవ్ ఇద్దరూ భారత్‌లోని బ్యాంకులకు వేల కోట్ల రూపాయలు ఎగ్గొట్టి లండన్ వచ్చేశారు. వీరిద్దరి అప్పగింతకు సంబంధించి ప్రక్రియ వేగం అందుకుంది. నిందితులు ఇద్దరూ లండన్‌లో విలాసవంతమైన ఫ్లాట్లలోనే గడిపేస్తున్నారు. ఇటీవలే నీరవ్ మోదీని లండన్ పోలీసులు అరెస్టు చేశారు. బెయిల్ కోసం మోదీ చేసుకున్న పిటిషన్‌ను కోర్టు కొట్టివేయగా, శుక్రవారం మరోసారి న్యాయస్థానాన్ని ఆశ్రయించారు. విజయ్‌మాల్యా కేసు విచారణ సందర్భంగా తనకు భారత్ జైళ్లలో భద్రత లేదని అతడు వాదించారు. దీంతో మాల్యాను ఎలాంటి జైలులో ఉంచబోతున్నారని మెజిస్ట్రేట్ అడిగారు. ముంబయి ఆర్థర్‌రోడ్‌లోని కారాగారంలో మాల్యా కోసం సిద్ధం చేసిన జైలు గదిని వీడియో ద్వారా వెస్ట్‌మినిస్టర్ కోర్టుకు చూపించారు. దేశంలోనే అత్యంత భద్రత, సౌకర్యాలున్న జైలు ఆర్థర్‌రోడ్ రోడ్ కారాగారమని కేంద్ర విదేశీ మంత్రిత్వశాఖ పేర్కొంది. శుక్రవారం నీరవ్ మోదీ బెయిల్ పిటిషన్ విచారణ సందర్భంగా మెజిస్ట్రేట్ ఎమ్మా మాట్లాడుతూ ‘మాల్యా జైలు గది విశాలంగానే ఉన్నట్టుగానే కనిపించింది’అని సరదా వ్యాఖ్యలు చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.