అంతర్జాతీయం
ఉగ్రవాదంపై కఠిన చర్య అవసరం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 30: ఉగ్రవాదంపై యుద్ధంలో భారత ప్రభుత్వానికి, దేశ ప్రజలకు అమెరికా దన్నుగా నిలుస్తున్న నేపథ్యంలో పాకిస్తాన్ తన గడ్డమీది నుంచి కార్యకలాపాలు నిర్వహిస్తున్న ఉగ్రవాదులు, ఉగ్రవాద సంస్థలపై అర్థవంతమయిన, తిరుగులేని, నిరూపణీయమయిన చర్య తీసుకోవలసిన అవసరం ఉందని భారత్, అమెరికాలు నొక్కి చెప్పాయి. పాకిస్తాన్ కేంద్రంగా పనిచేస్తున్న జైష్ ఎ మహ్మద్ (జేఈఎం) ఉగ్రవాద సంస్థ జమ్మూకాశ్మీర్‌లోని పుల్వామాలో ఫిబ్రవరి 14వ తేదీన ఆత్మాహుతి బాంబు దాడికి పాల్పడి 40 మంది సీఆర్‌పీఎఫ్ జవాన్లను పొట్టన పెట్టుకున్న విషయం తెలిసిందే. దీంతో పాకిస్తాన్ గడ్డమీది నుంచి కార్యకలాపాలు నిర్వహిస్తున్న అన్ని ఉగ్రవాద సంస్థలను నాశనం చేయాలని ఆ దేశాన్ని అంతర్జాతీయ సమాజం డిమాండ్ చేసింది. ఈ నేపథ్యంలో అమెరికా-్భరత్ కౌంటర్-టెర్రరిజం జాయింట్ వర్కింగ్ గ్రూప్ ఇక్కడ భేటీ అయింది. శుక్రవారంతో ముగిసిన ఈ సమావేశంలో ఇరు దేశాలు అంతర్జాతీయ ఉగ్రవాద సంస్థల నుంచి పొంచి ఉన్న ముప్పుపై తమ అభిప్రాయాలను పరస్పరం పంచుకున్నాయి. అమెరికా ప్రతినిధి బృందానికి ఆ దేశ విదేశాంగ శాఖ కౌంటర్-టెర్రరిజం సమన్వయకర్త, రాయబారి నాథన్ సేల్స్ నేతృత్వం వహించారు. భారత ప్రతినిధి బృందానికి విదేశీ వ్యవహారాల శాఖ సంయుక్త కార్యదర్శి మహావీర్ సింఘ్వీ నాయకత్వం వహించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.