అంతర్జాతీయం
మూడోసారి బెయిల్ పిటిషన్
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, మే 1: ప్రముఖ వజ్రాల వ్యాపారి నీరవ్ మోదీ బెయిల్ కోసం మరోసారి బెయిల్‌కు ప్రయత్నాలు ప్రారంభించారు. ఆయన దాఖలు చేసిన బెయిల్ పిటిషన్‌పై ఈనెల 8న యూకే కోర్టులో విచారణ చేపట్టనుంది. పంజాబ్ నేషనల్ బ్యాంక్ (పీఎన్‌బీ)కి ఒక మిలియన్ డాలర్ల మేరకు కుంభకోణానికి పాల్పడడం, మనీ ల్యాండరింగ్ కేసులను ఆయన ఎదుర్కొంటున్నారు. 48 ఏళ్ల నీరవ్ మోదీ సౌత్ వెస్ట్ లండన్‌లోని వాండ్స్‌వర్త్ జైలులో గత కొంతకాలంగా శిక్షను అనుభవిస్తున్నారు. ఇప్పటికే ఆయన రెండుసార్లు కోర్టులో బెయిల్ పిటిషన్లను దాఖలు చేయగా, కోర్టు వాటిని తోసిపుచ్చింది. ఈ ఏడాది మార్చి 19న నీరవ్ మోదీని లండన్ పోలీసులు అరెస్టు చేశారు. బెయిల్ కోసం రెండుసార్లు కోర్టును అభ్యర్థించినా తిరస్కరించడంతో మళ్లీ మూడోసారి ఈనెల 8న వెస్ట్‌మినిస్టర్ మేజిస్ట్రేట్ కోర్టులో చీఫ్ మేజిస్ట్రేట్ ఎమ్మా అర్బుథనాట్ ఎదుట నీరవ్ మోదీ హాజరుకానున్నారు. ‘నీరవ్ మోదీ దాఖలు చేసిన బెయిల్ అభ్యర్థనపై ఈనెల 8న వెస్ట్‌మినిస్టర్ మేజిస్ట్రేట్స్ కోర్టు జడ్జి ఎమ్మా అర్బుథ్‌నాట్ విచారణ చేపడతారు’ అని క్రౌన్ ప్రాసిక్యూషన్ సర్వీస్ (సీపీఎస్) అధికార ప్రతినిధి, ఈ కేసుపై భారత్ తరఫున పర్యవేక్షిస్తున్న బారిస్టర్ నిక్ హీర్న్ తెలిపారు. ఫర్నివాల్ చాంబర్స్‌కు ప్రాతినిధ్యం వహిస్తున్న బారిస్టర్ నిక్ హీర్న్ భారత్ తరఫున వాదనలు వినిపిస్తుండగా, నీరవ్ మోదీ క్లేర్ మాంట్‌గోమెరీ ఆఫ్ మ్యాట్రిక్స్ ద్వారా తన వాదనలను కోర్టుకు విన్నవించనున్నారు. ఏప్రిల్ 26న ఇదే కేసుపై నీరవ్ మోదీ జడ్జి అర్బుథ్‌నాట్‌తో జైలు నుంచే వీడియో లింక్ ద్వారా తన వాదనలను వినిపించారు. అయితే, నీరవ్ మోదీ తరఫున బెయిల్ కోసం ఎవరూ దరఖాస్తు చేయకపోవడంతో ఈనెల 24వరకు అతనిని జ్యుడీషియల్ కస్టడీలోనే ఉంచాలని కోర్టు ఆదేశించింది. బెయిల్ కోసం గతంలో రెండుసార్లు నీరవ్ మోదీ దాఖలు చేసిన పిటిషన్లను కోర్టు తిరస్కరించిన విషయం తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.