అంతర్జాతీయం
భారం కానున్న హెచ్-1బీ వీసా!
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మే 7: అమెరికా తన హెచ్-1బీ వీసా దరఖాస్తు రుసుమును పెంచడానికి కసరత్తు చేస్తోంది. ఒక అప్రెంటిస్ ప్రోగ్రాంకు నిధులను పెంచడం కోసం ఈ రుసుము పెంచాలని భావిస్తోంది. అమెరికా కార్మిక శాఖ మంత్రి అలెగ్జాండర్ అకోస్టా దేశ చట్టసభ సభ్యులకు ఈ విషయం చెప్పారు. అమెరికా హెచ్-1బీ వీసాల దరఖాస్తు రుసుమును పెంచితే, దాని వల్ల భారతీయ ఐటీ కంపెనీలపై అదనపు భారం పడుతుంది. 2019 అక్టోబర్ ఒకటో తేదీ నుంచి మొదలయ్యే 2019-20 ఆర్థిక సంవత్సరానికి కార్మిక శాఖ వార్షిక బడ్జెట్ గురించి ఆయన సభాకమిటీ ముందు వివరించారు. హెచ్-1బీ వీసాలలో మరింత పారదర్శకతను తెచ్చేందుకు, వీసా కార్యక్రమాన్ని దుర్వినియోగం చేస్తున్న యజమానుల నుంచి అమెరికా ఉద్యోగుల ప్రయోజనాలను మరింతగా కాపాడేందుకు హెచ్-1బీ దరఖాస్తు ఫారంలోనూ కార్మిక శాఖ మార్పులు చేసిందని ఆయన వెల్లడించారు. అయితే, హెచ్-1బీ దరఖాస్తు రుసుమును ఎంత పెంచనున్నారనే విషయాన్ని మాత్రం అకోస్టా వెల్లడించలేదు. గత అనుభవాల రీత్యా చూస్తే హెచ్-1బీ వీసాలపై ఎక్కువగా ఆధారపడిన భారతీయ ఐటీ కంపెనీలపై దరఖాస్తు రుసుము పెంచడం వల్ల అదనపు భారం పడుతుంది. హెచ్-1బీ వీసా అనేది నాన్-ఇమ్మిగ్రేంట్ వీసా. అమెరికా కంపెనీలు సైద్ధాంతిక లేదా సాంకేతిక నైపుణ్యం కలిగిన విదేశీయులను ప్రత్యేక స్థానాలలో నియమించుకోవడానికి హెచ్-1బీ వీసా వీలు కల్పిస్తోంది. అమెరికాలోని టెక్నాలజి కంపెనీలు ప్రతి సంవత్సరం భారత్, చైనా వంటి దేశాల నుంచి వేలాది మందిని ఉద్యోగులుగా నియమించుకోవడానికి ఆధారపడుతున్నాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.