అంతర్జాతీయం
ఆరోగ్య సోపానం యోగా
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 17: గత ఐదేళ్ల కాలంలో భారతీయ యోగాకు అమెరికాలో గణనీయమైన ఆదరణ పెరిగిందని భారత రాయబారి వర్ధన్ శ్రీంగ్లా అన్నారు. జూన్ 21వ తేదీని అంతర్జాతీయ యోగా దినోత్సవంగా పాటించాలని 2014లో ఐక్యరాజ్య సమితి ప్రకటించినప్పటి నుంచి ఈ ఆరోగ్య విధానానికి ఆదరణ పెరుగుతూనే వచ్చిందని ఆయన తెలిపారు. ఇక్కడి జాతీయ సంస్మరణ కేంద్రంలో వందలాది మందిని ఉద్దేశించి మాట్లాడిన ఆయన ఒక అమెరికాలోనే కాకుండా ప్రపంచ వ్యాప్తంగా అన్ని దేశాల ప్రజలు యోగా ప్రాధాన్యతను గుర్తించారని, అందుకే దీనికి ఆదరణ ఎప్పటికప్పుడు పెరుగుతూ వస్తుందన్నారు. భాషా, సాంస్కృతిక నేపథ్యాలతో నిమిత్తం లేకుండా యోగాను సమగ్ర ఆరోగ్య సాధనంగా ప్రపంచ ప్రజలు గుర్తించిన కారణంగానే దీని ప్రాధాన్యత పెరిగిందన్నారు. ఒక్క అమెరికాలోనే లక్షలాది మంది యోగా పట్ల ఆకర్షితులై దీనిని అనుసరిస్తున్నట్లు ఆయన తెలిపారు. ప్రపంచ వ్యాప్తంగా అన్ని దేశాల్లోనూ యోగా ప్రాచుర్యాన్ని పెంచేందుకు భారతీయ దౌత్య కేంద్రాలు చేస్తున్న కృషిని శ్లాంఘించిన ప్రధాని మోదీ ప్రతి ఒక్కరూ యోగా అభ్యసించేలా చేయాలని ట్వీట్ చేశారు. కాగా, ఈ ఏడాది జూన్ 21న ప్రపంచ వ్యాప్తంగా దినోత్సవాన్ని మరింత ఉత్సాహంగా నిర్వహించేందుకు అన్ని దేశాల్లోనూ భారతీయ దౌత్య కేంద్రాలు ఉత్సాహంగా ముందుకొస్తున్నాయి. అమెరికాలో ఏకంగా ఒక యోగా జర్నలే తెరపైకి వచ్చింది. తాజా లెక్కలను బట్టి 36 మిలియన్లకు పైగా ప్రజలు యోగా పట్ల ఆకర్షితులైనట్టు తెలుస్తోంది. దీన్ని బట్టి చూస్తే అతి తక్కువ వ్యవధిలోనే భారతీయ యోగా అమెరికన్లను ఎంతగా ఆకర్షించిందో స్పష్టమవుతోందని భారత రాయబారి శ్రీంగ్లా అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.