అంతర్జాతీయం
యూఎస్ డ్రోన్‌ను కూల్చేశాం ఇరాన్ ప్రకటన
S ,7 à 8 RSCA (si SASPAS) et 6 cialis pharmacie cialis rapports de stage.
టెహ్రాన్, జూన్ 20: అమెరికాకు చెందిన ఓ డ్రోన్‌ను కూల్చివేసినట్లు ఇరాన్ ప్రకటించింది. హొర్ముజ్ కనుమల వద్ద తమ భూ భాగంలోకి వచ్చిన అమెరికా గూఢచార ద్రోన్‌ను కూల్చివేశామని ఇరాన్ రెవల్యూషనరీ గార్డ్ (ఐఆర్‌జీ) ప్రకటించింది. తీర ప్రాంతంలో యుద్ధ వాతావరణానికి అమెరికా కారణమవుతున్నదని ఆరోపించింది. అమెరికా పదేపదే తమ భూ భాగంలోకి చొచ్చుకొచ్చే ప్రయత్నం చేస్తున్నదని ఆరోపించింది. గూఢచార డ్రోన్‌లను పంపి తమ సైనిక స్థావరాల వివరాలు తెలుసుకునే ప్రయత్నం చేస్తున్నదని ధ్వజమెత్తింది. ఇస్లామిక్ గణతంత్ర రాజ్యమైన ఇరాన్‌పై అమెరికా కక్ష కట్టిందని ఐఆర్‌జీ ఆరోపించింది. గూఢచార డ్రోన్‌ను కూల్చివేయడం ద్వారా, తమ భూ భాగంలోకి చొచ్చుకొచ్చే ప్రయత్నాలను ఉపేక్షించేది లేదని స్పష్టమైన హెచ్చరికలు జారీ చేశామని స్పష్టం చేసింది. అమెరికా అధ్యక్షుడిగా డొనాల్డ్ ట్రంప్ ఎన్నికైనప్పటి నుంచి యుద్ధ వాతావరణం నెలకొందని తెలిపింది. 2015లో కుదిరిన అణు ఒప్పందాన్ని అమెరికా గత ఏడాది రద్దుచేయడంలో ఆంతర్యం ఏమిటని ప్రశ్నించింది. ఇరాన్ యుద్ధాన్ని కోరుకోవడం లేదని, అయితే తమపై దాడులకు దిగితే మాత్రం తగిన గుణపాఠం చెబుతామని హెచ్చరించింది. కాగా, డ్రోన్‌ను కూల్చివేసిన విషయాన్ని అమెరికా ధ్రువీకరించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.