అంతర్జాతీయం
విపత్తుల నిరోధానికి తక్షణ చర్యలు అవసరం
S ,7 à 8 RSCA (si SASPAS) et 6 cialis pharmacie cialis rapports de stage.
అబూదాబి, జూన్ 30: పర్యావరణానికి విఘాతం కలిగించే అంశాలపై తరచూ చర్చించడంతోపాటు విపత్తుల నిరోధానికి తక్షణం చర్యలు చేపట్టాల్సిన అవసరం ఎంతో ఉందని ఐక్యరాజ్య సమితి సెక్రటరీ జనరల్ ఆంటినియో గటరెస్ అన్నారు. ‘ఇపుడు మనం తీవ్రమైన వాతావరణ అనిశ్చితి పరిస్థితులను చవిచూస్తున్నాం’ అని అబూదాబిలో రెండు రోజులపాటు జరిగిన వాతావరణ సంబంధిత సమావేశాల్లో పాల్గొన్న ఐరాస సెక్రటరీ జనరల్ పేర్కొన్నారు. ఈ ఏడాది సెప్టెంబర్‌లో న్యూయార్క్‌లో జరిగే వాతావరణ చర్యల సదస్సు (సీఏసీ)లో ఇందుకు అనుగుణంగా ముందు కు సాగాల్సిన అవసరాన్ని ఆయన నొక్కిచెప్పారు. ‘ప్రస్తుతం ప్రపంచవ్యాప్తంగా పర్యావరణానికి విఘాతం కలుగుతోంది. ఎంతోమంది అగ్రశ్రేణి శాస్తవ్రేత్తలు ఊహించిన దానికంటే త్వరితగతిన మార్పులు చోటుచేసుకుంటున్నాయి’ అని ఆయన పేర్కొన్నారు. ‘ఇపుడున్నదానికంటే ఎక్కువగా వాతావరణంలో మార్పులు వేగం పుంజుకుంటున్నాయి. దీనిపై చర్చించేందుకు మనం ఇక్కడ భేటీ అయ్యాం’ అని ఐరాస చీఫ్ అన్నారు. ‘వాతావరణ సంబంధిత విధ్వంసాలు, వినాశనాలు, వరదలు, కరవు, వడగాలులు, అడవులు అంటుకోవడం, తుఫాన్లు వంటివి ఘటనలు ప్రపంచంలోని ఎక్కడో ఒకచోట నుంచి ప్రతివారం మన దృష్టికి వస్తున్నాయి’ అని ఆయన అన్నారు. అయితే, ఆయా అంశాలపై ఆశయం, అత్యవసరం అన్న ధోరణితో ప్రతిఒక్కరూ సమష్టిగా పనిచేసేందుకు ముందుకు రావాల్సిన అవసరం ఎంతో ఉందని ఆయన అభిప్రాయపడ్డారు. కానీ కొంతమంది ప్రపంచానికి రాబోయే వాతావరణ ముప్పును సరిగా అర్ధం చేసుకోలేకపోతున్నారని ఆయన వ్యాఖ్యానించారు. గతంలో ప్యారిస్ ఒప్పందంలో జరిగిన గ్లోబల్ వార్మింగ్‌లో చేసిన సూచనలు ఇపుడు ప్రపంచ మానవాళికి మేలు చేకూర్చగలవనే ఆశాభావాన్ని ఆయన వ్యక్తం చేశారు. ఈ శతాబ్దం ముగిసేనాటికి కనీసం మూడు డిగ్రీల ఉష్ణోగ్రతలు అమాంతం పెరిగే అవకాశాలను మనం చూస్తామని ఆయన పేర్కొన్నారు. ప్యారిస్‌లోని వాతావరణ చర్యల సదస్సులో జరిగిన ఒప్పందాలను అమలు చేసేందుకు అన్ని దేశాలు ముందుకు రావాలని ఆయన విజ్ఞప్తి చేశారు.
చిత్రం...వాతావరణ మార్పులపై ఐక్యరాజ్య సమితి శిఖరాగ్ర సదస్సు ఆదివారం అబూదాబిలో ప్రారంభమైన సందర్భంగా
మాట్లాడుతున్న ఐరాస సెక్రటరీ జనరల్ ఆంటోనియో గటరెస్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.