అంతర్జాతీయం
బలూచిస్థాన్ ఉగ్రవాద సంస్థే
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్/ఇస్లామాబాద్, జూలై 3: పాకిస్థాన్ ప్రభుత్వానికి వ్యతిరేకంగా పోరాడుతున్న బలూచిస్థాన్ లిబరేషన్ ఆర్మీ (బీఎల్‌ఏ) ఉగ్రవాద సంస్ధేనని అమెరికా ప్రకటించింది. ఇటీవల గ్వాదర్ పోర్టు సిటీలో ఐదు నక్షత్రాల హోటల్‌పై బీఎల్‌ఏ దాడి చేసిన సంగతి తెలిసిందే. 2006 సంవత్సరంలో పాకిస్థాన్ ప్రభుత్వం బలూచిస్థాన్ లిబరేషన్ ఆర్మీని నిషేధించింది. బిఎల్‌ఏను నిషేధించాల్సిందిగా పాక్ ప్రభుత్వం ఇదివరకే అమెరికాను కోరింది. ఇటీవల బీఎల్‌ఏ పాల్పడిన దురాగతంతో అమెరికా కూడా అడుగు ముందుకేసింది. పాక్‌లో నిషేధిత బీఎల్‌ఏ ఉగ్రవాద సంస్థ ప్రత్యేక సైన్యాన్ని ఏర్పాటు చేసుకుని బలూచీ ప్రాంతంలో భద్రతా దళాలపై దాడులతు పాల్పడుతోంది. కొన్ని సమయాల్లో పౌరులపైనా దాడులకు దిగింది. అమెరికాలో ఎవరైనా బీఎల్‌ఏకు సహకరించినా, ఆర్థిక సహాయం అందజేసినా క్షమించేది లేదని అమెరికా హెచ్చరించింది. బీఎల్‌ఏ గత ఏడాది పలు విధ్వంసాలకు పాల్పడింది. గత ఏడాది ఆగస్టులో బలూచిస్థాన్‌లోని చైనా విద్యార్థులను లక్ష్యంగా చేసుకుని ఆత్మాహుతి దాడికి పాల్పడింది. అదే ఏడాది కరాచీలోని చైనా కౌన్సులేట్‌పై దాడి, ఈ ఏడాది మేలో గ్వాదర్‌లోని విలాసవంతమైన హోటల్‌లో దాడికి దిగింది. గ్వాదర్‌లోని హోటల్‌లో జరిగిన ఈ దాడిలో ఐదుగురు యాత్రికులు, పాక్‌కు చెందిన సైనికుడు మృత్యువాతపడ్డారు. ఇలాఉండగా బలూచిస్థాన్ లిబరేషన్ ఆర్మీపై అమెరికా తీసుకున్న నిర్ణయాన్ని పాక్ ప్రభుత్వం స్వాగతించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.