అంతర్జాతీయం
చక్కెర ఉత్పత్తి, వాణిజ్యంలో భారత్ బాధ్యతా రాహిత్యం
S ,7 à 8 RSCA (si SASPAS) et 6 cialis pharmacie cialis rapports de stage.
మెల్బోర్న్, జూలై 12: చక్కెర ఉత్పత్తి, వాణిజ్యం విషయంలో భారత్‌తో నెలకొన్న వివాదాన్ని పరిష్కరించాల్సిందిగా ఆస్ట్రేలియా ప్రపంచ వాణిజ్య సంస్థ (డబ్ల్యూటీవో)ను కోరింది. ప్రపంచంలో చక్కెర ఉత్పత్తిలో రెండో అతిపెద్ద దేశంగా పేరెన్నికగన్న భారత్ చక్కెర ఉత్పత్తి, వాణిజ్యం విషయంలో బాధ్యతా రహితంగా వ్యవహరిస్తోందని, ఇందుకు సంబంధించి ఓ ప్రత్యేక కమిటీని ఏర్పాటుచేసి నిగ్గుదేల్చాలని ఆస్ట్రేలియా డబ్ల్యూటీవోను కోరినట్టు శుక్రవారం నాడిక్కడ వెలువడిన ఓ మీడియా కథనాన్ని బట్టి స్పష్టమవుతోంది. ఈ విషయమై గత మార్చిలో ఆస్ట్రేలియా, బ్రెజిల్ దేశాలు ఏకమై భారత్‌కు వ్యతిరేకంగా డబ్ల్యూటీవోకు ఫిర్యాదు చేయడం జరిగింది. చెరుకు రైతులకు వరుసగా సబ్సిడీలు ప్రకటిస్తున్న భారత్ వైఖరి వల్ల అంతర్జాతీయంగా చక్కెర ధరలపై భారం, వత్తిడి నెలకొంటున్నాయని ఆ రెండు దేశాలతోబాటు గువాటెమాలా ఈ సందర్భంగా ఆరోపించాయి. ఆస్ట్రేలియా ఆర్థిక నివేదిక మేరకు ఆ దేశపు వాణిజ్య మంత్రి సైమన్ బర్మింగ్‌హాం ఈ అంశంపై మాట్లాడుతూ ‘ఆస్ట్రేలియాతో భారత్‌కు దీర్ఘ కాలంగా ఉన్న చక్కెర వాణిజ్య సమస్యను పరిష్కరించుకునే దిశగా నిర్థిష్టమైన చర్యలు తీసుకోవాలన్న ఆలోచన లేదని, పైగా సబ్సిడీల కేటాయింపును కొనసాగిస్తూనే ఉంద’ని వ్యాఖ్యానించారు. దీనివల్ల ఆస్ట్రేలియాలో చెరుకు పండించే రైతులు, కూలీలు, మిల్లర్లపై ప్రభావం పడుతోందని, ఈ దిశలో ప్రాంతీయంగా ఉద్యోగాల కల్పనకు సైతం ఇబ్బందులు కలుగుతున్నాయని పేర్కొన్నారు. ఆస్ట్రేలియాకు భారత్‌తో మంచి ద్వైపాక్షిక బంధాలున్నాయని అవి కొనసాగాలంటే డబ్ల్యూటీవో కలుగజేసుకుని వాణిజ్యపరమైన సమస్యలను పరిష్కరించాలని ఆ దేశ వ్యవసాయ శాఖ మంత్రి బ్రిడ్గెట్ మెకన్జీ వ్యాఖ్యానించారు. ఆస్ట్రేలియాలో చక్కెర పరిశ్రమకు అనుబంధంగా ఉన్న 40 వేల మంది ఉద్యోగులు, ప్రాంతీయ కమ్యూనిటీల ప్రయోజనాలను కాపాడాల్సిన అవసరం నెలకొందన్నారు. కాగా ఆస్ట్రేలియా ప్రతిఏటా 2 బిలియన్ డాలర్ల విలువైన చక్కెరను ఎగుమతి చేస్తోంది. ఈ క్రమంలో ఈ వాణిజ్యాన్ని మరింత పటిష్టవంతం చేసుకునే దిశగా భారత్‌పై ఆరోపణలకు దిగింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.