అంతర్జాతీయం
మమ్మల్ని ఆదుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఆగస్టు 16: పాకిస్తాన్ కబంధ హస్తాల నుంచి తమను విముక్తం చేయాలంటూ బలూచిస్తాన్ ప్రజలు అంతర్జాతీయ మద్దతు కోసం పిలుపునిచ్చారు. భారత ప్రధాని నరేంద్ర మోదీ అందించిన స్నేహ హస్తం నేపథ్యంలో బలూచ్ ప్రజలు ఇప్పుడు అమెరికా, ఐరోపా దేశాల మద్దతు కోరుతున్నారు. పాకిస్తాన్ ప్రభుత్వం తమను అణచివేస్తోందని, దానినుంచి తమను రక్షించాలని అభ్యర్థించారు. మత ఉగ్రవాదాన్ని పాక్ ప్రభుత్వం ఓ విధానంగా అవలంబిస్తోందని దీనివల్ల చాలా తీవ్రస్థాయిలోనే పర్యవసానాలు ఉంటాయని బలూచ్ జాతీయ ఉద్యమ నాయకుడు ఖలీల్ బలోచ్ పేర్కొన్నారు. ఉగ్రవాదాన్ని పూర్తిగా తుడిచిపెట్టలేకపోయినా దాన్ని అణచివేసేందుకు అన్ని చర్యలూ తీసుకోవాలన్నారు. బలూచిస్తాన్‌లో పాక్ చేపడుతున్న అమానుష చర్యలను నిరోధించడానికి భారతతో కలిసి పనిచేయాలని అమెరికా, ఐరోపాలకు ఆయన పిలుపునిచ్చారు. 68 ఏళ్లుగా పాకిస్తాన్ ఆక్రమణలో ఉన్న బలూచిస్తాన్‌లో ఎన్నో అరాచకాలు జరిగాయని వెల్లడించారు. ఇప్పటికే స్వేచ్ఛకోసం పాకిస్తాన్‌తో ఐదు యుద్ధాలు చేశామని అన్నారు. భారత ప్రధాని నరేంద్ర మోదీ తమ పరిస్థితిని అర్థం చేసుకుని మద్దతు ఇవ్వడం నైతికంగా తమకెంతో బలాన్ని ఇచ్చిందని పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.