అంతర్జాతీయం
కాశ్మీర్ కాదు.. ఉగ్రవాదంపై మాట్లాడండి
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్/న్యూఢిల్లీ, ఆగస్టు 17: కాశ్మీర్‌పై విదేశాంగ శాఖ కార్యదర్శుల స్థాయి చర్చలు జరుపుదామంటూ పాకిస్తాన్ చేసిన ప్రతిపాదనను భారత్ నిర్ద్వంద్వంగా తిరస్కరించింది. పాకిస్తాన్ విదేశాంగ కార్యదర్శి ఐజాజ్ అహ్మద్ చౌదరి ప్రతిపాదనపై భారత విదేశాంగ శాఖ కార్యదర్శి ఎస్.జయశంకర్ స్పందిస్తూ కాశ్మీర్ విషయం భారత అంతర్గత వ్యవహారమని, దానిపై ఎవరితోనూ చర్చించాల్సిన పరిస్థితి లేదని, రాదని స్పష్టం చేశారు.
‘నేను పాకిస్తాన్‌కు వెళ్లటానికి సిద్ధంగా ఉన్నా. సరిహద్దు తీవ్రవాదం, చొరబాట్లకు ముగింపు పలకడంపై చర్చిస్తాం’ అంటూ సందేశం పంపించారు. భారత్ సమాధానాన్ని పాక్‌లో భారత హైకమిషనర్ ఆ దేశ విదేశాంగ శాఖకు అందించారు. ‘‘జమ్ము కాశ్మీర్‌పై ఇష్టం వచ్చినట్లు చేస్తున్న అన్ని ఆరోపణలను ఖండిస్తున్నాం. కాశ్మీర్ విషయంలో మాట్లాడేందుకు పాకిస్తాన్‌కు ఎలాంటి అధికారం లేదు. ఇది భారత్ అంతర్గత వ్యవహారం.’ అని భారత్ ఘాటుగా జవాబిచ్చింది. కాశ్మీర్ అంశంపై చర్చించటం ఒక అంతర్జాతీయ అవసరమని, కాబట్టి, ఆ అంశంపై చర్చించేందుకు రావలసిందిగా పాకిస్తాన్ సోమవారం భారత్‌ను ఆహ్వానించిన సంగతి తెలిసిందే. గత వారం రోజులుగా భారత్, పాకిస్తాన్‌ల మధ్య మాటల యుద్ధం నడుస్తోంది.
పాకిస్తాన్ ప్రధాని విదేశీ వ్యవహారాల సలహాదారు సర్తాజ్ అజీజ్ మాట్లాడుతూ భారత్‌పాక్‌ల మధ్య సమకాలీన, సందర్భోచితమైన అంశాలపై చర్చలకు సిద్ధమంటూ భారత్ పేర్కొందనీ, ఇప్పుడు రెండు దేశాల మధ్య తక్షణం చర్చించాల్సిన అంశం కాశ్మీరేనని స్పష్టం చేశారు. దీనికి భారత విదేశాంగ శాఖ అధికార ప్రతినిధి వికాస్ స్వరూప్ దీటైన జవాబే ఇచ్చారు. భారత్ తాను అన్న మాటకు కట్టుబడి ఉందని, సమకాలీన సందర్భోచితమైన అంశాలంటే అంశాలపై చర్చించటానికి భారత్ సిద్ధంగా ఉందని, ఇప్పుడు రెండు దేశాల మధ్య సంబంధాల్లో తక్షణం చర్చించాల్సింది సరిహద్దు తీవ్రవాదానికి పాకిస్తాన్ మద్దతివ్వటాన్ని ఆపేయటం, బహదూర్ అలీ లాంటి టెర్రరిస్టులను భారత్‌లోకి చొరబడకుండా చేయటం అన్నదే కీలకమని స్పష్టం చేశారు. ‘‘సరిహద్దు వెంట ఉగ్రవాదాన్ని తక్షణం ఆపేయాలి, అంతర్జాతీయంగా ఉగ్రవాదులుగా ముద్రలు పడ్డ హఫీజ్ సరుూద్, సయ్యద్ సలాహుద్దీన్ లాంటి వాళ్లను కట్టడి చేయాలి, ముంబై దాడులు, పఠాన్‌కోట్ దాడులపై నిజాయితీగా విచారణ చేయాలి’’ అని వికాస్ స్వరూప్ స్పష్టంచేశారు.
చిత్రం.. భారత విదేశాంగ శాఖ కార్యదర్శి ఎస్.జయశంకర్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.