అంతర్జాతీయం
భారత వ్యతిరేక పనులను అనుమతించం
S ,7 à 8 RSCA (si SASPAS) et 6 cialis pharmacie cialis rapports de stage.
నై పై డా, ఆగస్టు 22: తమ భూభాగంపై భారత్‌కు వ్యతిరేకంగా ఎలాంటి కార్యకలాపాలను అనుమతించే ప్రశే్న లేదని మయన్మార్ సోమవారం స్పష్టం చేసింది. భారత విదేశాంగ మంత్రి సుష్మా స్వరాజ్ మయన్మార్ పర్యటన నేపథ్యంలో ఆ దేశ అధ్యక్షుడు యు టిన్‌కియాతోపాటు ఆ దేశ కౌనె్సలర్, విదేశాంగ మంత్రి ఆంగ్‌సాన్ సూకితో సమావేశమయ్యారు. రెండు దేశాలు ఫలవంతమైన భాగస్వామ్యం దిశగా ముందుకు వెళ్తున్నాయని టిన్‌కియా అన్నారు. భారత్ తమకు మిత్రదేశమని, ఆ దేశానికి వ్యతిరేకంగా ఎలాంటి ఉగ్రవాద చర్యలకు, చొరబాటు కార్యకలాపాలకు అనుమతించేది లేదని హామీ ఇచ్చారు. రెండు దేశాలు శాంతి, అభివృద్ధి పథంలో కలిసికట్టుగా ముందుకు సాగుతాయని ఇరుదేశాల నేతలు పేర్కొన్నట్లు విదేశాంగ శాఖ కార్యదర్శి వికాస్ స్వరూప్ తెలిపారు. దాదాపు అయిదు దశాబ్దాల తరువాత ప్రజాస్వామ్య బద్ధంగా మయన్మార్‌లో ప్రభుత్వం ఏర్పడిన తరువాత సుష్మాస్వరాజ్ తొలి పర్యటన చేస్తున్నారు. మయన్మార్ నుంచి నాగాలాండ్‌లోకి చొరబడేందుకు ప్రయత్నించిన ఎన్‌ఎస్‌సిఎన్-కె మిలిటెంట్లను భారత సైనిక బలగాలు ఎన్‌కౌంటర్ చేసిన కొద్దిరోజులకు సుష్మా ఆ దేశంలో పర్యటించటం విశేషం. సంప్రదాయేతర ఇంధన వనరులు, రవాణ, ఆరోగ్యం, విద్య, సామాజిక అభివృద్ధి వంటి అంశాలపై చర్చలు కొనసాగాయని వికాస్ స్వరూప్ వెల్లడించారు. భారత్ ఇప్పటికే మూడు మెగావాట్ల విద్యుత్తును మొరేశ్-తము లింక్ ద్వారా మయన్మార్‌కు సరఫరా చేస్తోంది. పప్పు్ధన్యాల ఉత్పత్తి, ఇతర వ్యవసాయ రంగానికి సంబంధించి ఇరుదేశాల మధ్య పరస్పర సహకారం కొనసాగాలని నిర్ణయించినట్లు వికాస్ స్వరూప్ తెలిపారు. ఆంగ్‌సాన్ సూకితో సుష్మా దాదాపు 45నిమిషాలు సమావేశమయ్యారని, న్యాయబద్ధంగా జరిగిన ఎన్నికల్లో తిరుగులేని విజయాన్ని సాధించిన సూకికి సుష్మా అభినందనలు తెలిపారని స్వరూప్ వెల్లడించారు. మయన్మార్ ప్రజల సామాజిక ఆర్థికాభివృద్ధికి భారత్ అన్నివిధాలా తోడ్పడుతుందని సుష్మా హామీ ఇచ్చారన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.