అంతర్జాతీయం
చర్చల ద్వారా పరిష్కరించుకోవాలి
S ,7 à 8 RSCA (si SASPAS) et 6 cialis pharmacie cialis rapports de stage.
ఐక్యరాజ్య సమితి, సెప్టెంబర్ 11: కాశ్మీర్ సమస్యను భారత్-పాకిస్తాన్ దేశాలు చర్చల ద్వారానే పరిష్కరించుకోవాలని ఐక్యరాజ్య సమితి (యూఎన్) సెక్రటరీ జనరల్ అంటోనియో గుటెర్రెస్ సూచించారు. కాశ్మీర్ అంశంతో ఇరు దేశాల మధ్య అగాధం నెలకొందన్నారు. ఫ్రాన్స్, బైర్రిట్జ్‌లో గత నెల జరిగిన జి-7 దేశాల సమ్మిట్ జరిగినప్పుడు ప్రధాని నరేంద్ర మోదీతో, పాకిస్తాన్ విదేశాంగ మంత్రి షా మహ్మద్ ఖురేషీతో అంటోనియో గుటెర్రెస్ వేర్వేరుగా చర్చలు జరిపారని ఐక్యరాజ్య సమితి ప్రధాన అధికార ప్రతినిధి స్టీఫెన్ డుజర్రిక్ మంగళవారం విలేఖరుల సమావేశంలో తెలిపారు. పాకిస్తాన్ శాశ్వత అధికార ప్రతినిధి మలీహ లోధి విజ్ఞప్తి మేరకు యూఎన్ సెక్రటరీ జనరల్ అంటోనియో గుటెర్రెస్ సమావేశమై కాశ్మీర్ అంశంపై మంతనాలు చేసినట్లు ఆయన డుజర్రిక్ వివరించారు. భారత్-పాక్ దేశాల నేతలు కాశ్మీర్ సమస్యలను చర్చల ద్వారా పరిష్కరించుకోవాలని గుటెర్రెస్ సూచించినట్లు ఆయన తెలిపారు.
ఈ అంశంపై భారత్-పాక్‌ల మధ్య యూఎన్ మధ్యవర్తిత్వం చేయడం అనేది ఎంత వరకు సాధ్యం అనేది మీకూ తెలుసునని ఆయన మరో ప్రశ్నకు సమాధానంగా అన్నారు. ఇలాఉండగా కాశ్మీర్ అంశాన్ని అంతర్జాతీయ వేదికపైనే తేల్చుకుంటామని పాక్ ప్రధాని ఇమ్రాన్ ఖాన్ ఇదివరకే ప్రకటించగా, ఈ విషయంలో ఎవరి జోక్యం అవసరం లేదని ప్రధాని నరేంద్ర మోదీ పలు పర్యాయాలు పేర్కొన్న సంగతి తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.