అంతర్జాతీయం
మోదీపై నోరు జారొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, సెప్టెంబర్ 16: కాశ్మీర్ సమస్య విషయంలో తలెత్తిన వివాదాన్ని మరింత తీవ్రం చేయకుండా దౌత్య ప్రయత్నాలతో దీనిని పరిష్కరించుకోవాలని కొన్ని ముస్లిం దేశాలు పాకిస్తాన్ ప్రధాని ఇమ్రాన్ ఖాన్‌ను గట్టిగా విజ్ఞప్తి చేశాయి. అలాగే, భారత ప్రధాని మోదీపై ఇష్టమొచ్చినట్టు మాట్లాడే ధోరణిని కూడా కట్టిపెట్టాలని ఇమ్రాన్‌కు విజ్ఞప్తి చేశాయి.
ఇటీవల పాకిస్తాన్‌లో పర్యటించిన సౌదీ ఉప విదేశాంగ మంత్రి అదల్ అల్ జుబేహిర్, యూఏఈ విదేశాంగ మంత్రి అబ్దులా బిన్ అల్ మహ్యాన్ పలు ముస్లిం దేశాల నుంచి సందేశాన్ని పాక్ ప్రధానికి అందించినట్టుగా సోమవారం వార్తా కథనాలు వెలువడ్డాయి. తమ తమ దేశాధి నేతల నుంచే కాకుండా పలు శక్తివంతమైన ముస్లిం దేశాల నుంచి కూడా కాశ్మీర్‌పై పాక్‌కు ఈ సందేశాన్ని అందించారని తెలుస్తోంది. ముఖ్యంగా కాశ్మీర్‌పై తలెత్తిన ఉద్రిక్తతలను సడలించాలంటే దొడ్డిదారి దౌత్య యత్నాలను పాక్ చేపట్టాలని వీరు కోరినట్టుగా ఎక్స్‌ప్రెస్ ట్రిబ్యూన్ అనే పత్రిక వెల్లడించింది. ప్రధాని ఇమ్రాన్ ఖాన్‌తోపాటు పాక్ విదేశాంగ మంత్రి ఖురేషీ, ఆర్మీ చీఫ్ వాజ్వాలతో కూడిన వీరు సమావేశమయ్యారు. ఈ సమావేశాలు అత్యంత గోప్యంగా జరిగాయని, అత్యున్నత స్థాయి గల అధికారులను మాత్రమే అనుమతించారని ఈ పత్రిక వెల్లడించింది. భారత్-పాక్ మధ్య ఉద్రిక్తతలను సడలించేందుకు జోక్యం చేసుకునేందుకు కూడా ఈ దేశాలు సంసిద్ధత వ్యక్తం చేశాయి. పరిస్థితి మరింత శృతిమించకుండా ఉండాలంటే భారత్ ప్రధాని నరేంద్ర మోదీని లక్ష్యంగా చేసుకుని విమర్శలు చేయడాన్ని ఇమ్రాన్ కట్టి పెట్టాలని కూడా వీరు స్పష్టం చేశారు. అయితే, ఈ అభ్యర్థలను పాకిస్తాన్ తిరస్కరించిందని, భారత్‌తో నేరుగానే చర్చలు జరుపుతామే తప్ప, దొడ్డిదారి జరిపే ప్రసక్తే లేదని తేల్చిచెప్పినట్టు ఈ పత్రిక వెల్లడించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.