అంతర్జాతీయం
సరిహద్దు దాటకండి
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్: పొరపాటున కూడా సరిహద్దును దాటవద్దని ఆక్రమిత కాశ్మీర్ (ఆజాద్ కాశ్మీర్) ప్రజలకు పాక్ ప్రధాని ఇమ్రాన్ ఖాన్ హితవు పలికారు. 370 ఆర్టికల్ రద్దు తర్వాత జమ్మూ కాశ్మీర్‌లో తీవ్ర అనిశ్చిత పరిస్థితులు నెలకొన్నాయని ఆయన సోషల్ మీడియాలో వ్యాఖ్యానించారు. మానవ హక్కుల ఉల్లంఘన యథేచ్చగా సాగుతున్నదని, కాశ్మీర్‌లో ప్రజలు బయటకు రావడానికి వీల్లేని పరిస్థితులను ఎదుర్కొంటున్నారని ఆరోపించారు. సహజంగానే ఈ స్థితి అందర్నీ బాధిస్తుందని అన్నారు. అయితే జమ్మూ కాశ్మీర్‌లోని ప్రజలకు సాయం అందించడానికి వెళ్లవద్దని ఆక్రమిత కాశ్మీర్ ప్రజలకు సూచించారు. ఒక వేళ పొరపాటున సరిహద్దు దాటితే భారత్ అధికారులు దానిని చొరబాట్లకు ప్రయత్నాలుగా చూపే ప్రమాదం ఉందని హెచ్చరించారు. జమ్మూ కాశ్మీర్‌లో జనజీవనం అస్తవ్యస్తమవుతున్నదని, ప్రజలు నానా ఇబ్బందులు పడుతున్నారని అన్నారు. జమ్మూ కాశ్మీర్‌కు ప్రత్యేక ప్రతిపత్తిని కల్పించే రాజ్యాంగంలోని 370 అధికరణ రద్దు తర్వాత భారత్, పాక్ మధ్య ఉద్రిక్త వాతావరణం నెలకొన్న విషయం తెలిసిందే. ఈ అంశాన్ని అంతర్జాతీయ వేదికలపై చర్చకు పెట్టాలన్న పాక్ ప్రయత్నాలు ఫలించలేదు. ఇటీవల న్యూయార్క్‌లో జరిగిన ఐక్యరాజ్య సమితి సాధారణ సభ సమావేశాల్లో ఇమ్రాన్‌ఖాన్ భారత్‌పై నిప్పులు చెరిగారు. మానవ హక్కులను భారత్ కాలరాస్తున్నదని ఆయన విరుచుకుపడ్డారు. నిరంతర కర్ఫ్యూ నీడలో కాశ్మీర్ ప్రజలు అల్లాడి పోతున్నారని ఆరోపించారు. అయితే ఇమ్రాన్ ఆరోపణలకు భారత్ దీటైన సమాధానాలు ఇచ్చింది. ఉగ్రవాదాన్ని పాకిస్తాన్ ప్రేరేపిస్తున్నదని ఎదురుదాడి చేసింది. కాశ్మీర్ అంశం పూర్తిగా తమ అంతర్గత అంశమని తేల్చి చెప్పింది. అంతర్జాతీయంగా భారత్‌కే ఎక్కువ మద్దతు లభించడంతో కంగుతిన్న పాక్ ప్రధాని ఇమ్రాన్ ఎలాగైనా ఈ అంశాన్ని విశ్వవ్యాప్తం చేయాలన్న ప్రయత్నాలు కొనసాగిస్తున్నారు. అందులో భాగంగానే సోషల్ మీడియా వేదికగా మరోసారి భారత్‌ను విమర్శించే ప్రయత్నం చేశారు.
*చిత్రం...పాక్ ప్రధాని ఇమ్రాన్ ఖాన్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.