అంతర్జాతీయం
ట్రక్కులో 39 శవాలు
S ,7 à 8 RSCA (si SASPAS) et 6 cialis pharmacie cialis rapports de stage.
లండన్: ఓ ట్రక్కులో 39 శవాలు తీసుకెళుతుండగా తూర్పు లండన్‌లోని ఎస్సెక్స్ పోలీసులు చూసి నిర్ఘాంతపోయారు. వెంటనే ట్రక్కు డ్రైవర్‌ను అదుపులోకి తీసుకుని విచారణ చేపట్టారు. మృతి చెందిన 39 మందిలో ఒక 25 ఏళ్ళ యువకుడు ఉండగా, మిగతా వారంతా వయస్సులో పెద్దవారేనని పోలీసులు గుర్తించారు. తూర్పు లండన్‌లోని ఓ పారిశ్రామిక పార్కులో జరిగిన ఘటనలో వీరంతా మరణించినట్లు తెలిసిందని పోలీసులు తెలిపారు. అయితే ఇంకా సమగ్ర విచారణ జరగాల్సి ఉందని ఎస్సెక్స్ పోలీసు చీఫ్ సూపరింటెండెంట్ ఆండ్రీవ్ మన్నార్ బుధవారం చెప్పారు. ఈ విషయం తెలుసుకుని తాను భయపడ్డానని బ్రిటీషు ప్రధాన మంత్రి బోరిస్ జాన్సన్ తెలిపారు.
ఒకేసారి ఇంత మంది మరణించడం దిగ్భ్రాంతి చెందానని, మనోవేదనకు గురయ్యానని ఆయన పేర్కొన్నారు. మరణించిన వారికి సంతాపం, వారి కుటుంబ సభ్యులకు ప్రగాఢ సానుభూతిని తెలిపారు. ప్రతి రోజూ తనకు హోం శాఖ కార్యాలయం నుంచి తాజా పరిస్థితులు తెలియజేస్తుంటారని, ఎస్సెక్స్ పోలీసుల నుంచి వచ్చిన సమాచారం తెలుసుకుని చాలా బాధ పడ్డానని ఆయన చెప్పారు. కుటుంబ సభ్యులను కోల్పోయిన వారు ఎంతో దుఖంలో ఉంటారని ఆయన తెలిపారు. ఈ దురదృష్టకర సంఘటనపై పూర్వాపరాలు తెలియాల్సి ఉందన్నారు. వాటర్‌గ్లేడ్ పారిశ్రామిక పార్కులో జరిగిన దుర్ఘటనలో మరణించిన వారిని గుర్తించే ప్రక్రియ ప్రారంభించినట్లు బోరిస్ జాన్సన్ తెలిపారు. దీనికి కొంత సమయం పడుతుందన్నారు. పోలీసులు డ్రైవర్‌ను అదుపులోకి తీసుకుని వాస్తవాలు తెలుసుకునేందుకు విచారణ చేపట్టారని ఆయన వివరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.