అంతర్జాతీయం
గురునానక్ స్మారక నాణెం విడుదల
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, అక్టోబర్ 30: గురునానక్ 550 జయంతి సందర్భంగా పాకిస్తాన్ ప్రభుత్వం ఓ స్మారక నాణెం విడుదల చేసింది. సిక్కుమత స్థాపకుడు గురునానక్ జయంతి నవంబర్ 12న జరుగుతోంది. బుధవారం స్మారక నాణెం విడుదల చేసి ఫేస్‌బుక్‌లో పోస్ట్ చేశారు. ప్రధాని ఇమ్రాన్‌ఖాన్ తన ఫేస్‌బుక్‌లో నాణెం గుర్తును పెట్టారు. ‘గురనానక్ దేవ్‌జీ 550 జయంతి సందర్భంగా ఆయన స్మారక నాణెం మేం విడుదల చేశాం’అని ప్రధాని ఇమ్రాన్ స్పష్టం చేశారు. కర్తార్‌పూర్ కారిడార్ ఈనెల 9న ప్రధాని ఇమ్రాన్ ఖాన్ ప్రారంభించిననున్నారు. దీనికి ముందుగా స్మారక నాణెం విడుదల చేశారు. ఈ ఏడాది అంతా ఆయన జయంతి ఉత్సవాలు నిర్వహిస్తారు. సిక్కుల ఆది గురువు గురునానక్ సాహిబ్ పాకిస్తాన్‌లోని నాన్‌కనా సాహిబ్‌లో జన్మించారు. చారిత్రక గురుద్వారా దర్బార్ సాహిబ్‌ను కలుపుతూ కర్తార్‌పూర్ కారిడార్‌కు భారత్- పాకిస్తాన్‌లు అంగీకరించాయి. గత నవంబర్‌లో దీనికి అంకురార్పణ జరిగింది. పాకిస్తాన్‌లోని కర్తార్‌పూర్ పట్టణాన్ని పంజాబ్ గురుదాస్‌పూర్ జిల్లా డేరాబాబా నానక్‌ను కలుపుతూ కారిడార్ నిర్మించారు. కర్తార్‌పూర్ సాహిబ్ పాకిస్తాన్‌లోని నరోవాల్ జిల్లాలో రావి నదిని ఆనుకుని ఉంది. డేరాబాబా నానక్ నుంచి నాలుగు కిలోమీటర్లు కారిడార్ సాగుతుంది. కర్తార్‌పూర్ కారిడార్ వెంట పాకిస్తాన్ 80 ఇమ్మిగ్రేషన్ కౌంటర్లు ఏర్పాటు చేసింది. పవిత్ర ఆలయానికి తరలివచ్చే భక్తుల రద్దీని దృష్టిలో పెట్టుకుని ఈ ఏర్పాట్లు చేశారు. గురునానక్ దేవ్ ఆలయాన్ని సందర్శించేందుకు ఎలాంటి వీసా అక్కర్లేదు. ఈమేరకు ఇరుదేశాల అధికారులు గత వారం ఓ ఒప్పందంపై సంతకాలు చేశారు. ఒప్పందంలో భాగంగా రోజుకు ఐదువేల మందిని అనుమతిస్తారు. పాకిస్తాన్‌లోని గురుద్వారా సాహిబ్‌లో గురునానక్ 18 ఏళ్లు గడిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.