అంతర్జాతీయం
ఇమ్రాన్ గద్దె దిగాల్సిందే..
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, నవంబర్ 1: గత ఏడాది జరిగిన ఎన్నికల్లో భారీగా రిగ్గింగ్ చేసి అధికారంలోకి వచ్చిన ఇమ్రాన్ ఖాన్ ప్రభుత్వాన్ని తక్షణమే గద్దె దించాల్సిన అవసరం ఉందంటూ పాకిస్తాన్ ప్రతిపక్ష పార్టీలు శుక్రవారం భారీ ఎత్తున ప్రదర్శనలు నిర్వహించాయి. ఇమ్రాన్ ఖాన్ బూటకపు ప్రభుత్వం ఇంకేమాత్రం అధికారంలో ఉండడానికి వీల్లేదని ఈ ఆజాదీ మార్చ్‌లో విపక్ష నేతలు స్పష్టం చేశారు. పాకిస్తాన్ మత నాయకుడు వౌలానా ఫజ్‌లూర్ రెహమాన్‌కు చెందిన జమాయిత్ ఉలేమా ఏ ఇస్లామ్ నాయకత్వంలో ఈ ర్యాలీ ఇస్లామాబాద్ చేరుకుంది. సింధు రాష్ట్రం నుంచి బయలుదేరిన ఈ ఆజాదీ మార్చ్ ఇస్లామాబాద్ చేరుకోవడంతో ఇమ్రాన్ ఖాన్ సర్కారుకు రాజకీయ సెగ మొదలైంది. పాకిస్తాన్ ముస్లిం లీగ్ (ఎన్), పాకిస్తాన్ పీపుల్స్ పార్టీ (పీపీపీ), అవామీ నేషనల్ పార్టీ (ఎఎన్‌పీ) ఈ ర్యాలీలో పాల్గొన్నారు. ఇమ్రాన్ ఖాన్ అధికారం నుంచి తప్పుకునే వరకు విశ్రమించేది లేదని ఈ సందర్భంగా జరిగిన ర్యాలీలో పాకిస్తాన్ ముస్లిం లీగ్ (ఎన్) అధ్యక్షుడు షాబాద్ షరీఫ్ అన్నారు. ఇమ్రాన్ ఖాన్ రిగ్గింగ్‌తో అధికారంలోకి వచ్చినా దేశ ప్రయోజనాలను దృష్టిలో ఉంచుకుని ఆయనను భరించామని, కలిసి పనిచేయడానికి సిద్ధపడ్డ ఇమ్రాన్ దురహంకారంతో వ్యవహరించారని ఆయన అన్నారు. తమకు పట్టం కడితే ఆరు నెలల వ్యవధిలోనే దేశ ఆర్థిక వ్యవస్థను గాడిలో పెడతామని అన్నారు. 72 సంవత్సరాల పాకిస్తాన్ చరిత్రలో ఇంత ఘోరమైన ఆర్థిక పరిస్థితి ఎప్పుడూ తలెత్తలేదని ఆయన తెలిపారు. ఇమ్రాన్ ప్రభుత్వాన్ని ఇంటికి పంపేవరకు తాము నిద్ర పోయేది లేదని ఎఎన్‌పీ నాయకుడు ఇఫ్తికర్ హుస్సేన్ తెలిపారు. ఈ ఆజాదీ మార్చ్ ప్రధాన లక్ష్యం ఇమ్రాన్ ఖాన్ రాజీనామా చేయాలన్నదేనని అన్నారు. ఇమ్రాన్ ఖాన్ ఓ కీలుబొమ్మ అని, ఆయనకు తాము తలవంచే ప్రసక్తే లేదని పాకిస్తాన్ పీపుల్స్ పార్టీ అధినేత బిలావల్ భుట్టో జర్దారీ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.