అంతర్జాతీయం
కాశ్మీర్‌పై చర్చించేది లేదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, నవంబర్ 2: ఈ నెలలో జరిగే భద్రత మండలి సమావేశంలో కాశ్మీర్ అంశాన్ని చర్చించడం లేదని మండలి అధ్యక్షుడు, యూకే శాశ్వత ప్రతినిధి కిరేణ్ పియాస్ స్పష్టం చేశారు. నవంబర్ నెలలో ఆయన అధ్యక్షతనే భద్రతా మండలి సమావేశాలు జరుగుతాయి. కాశ్మీర్ కంటే కూడా ప్రపంచవ్యాప్తంగా అత్యవసరంగా చర్చించాల్సిన పరిణామాలెన్నో ఉన్నాయని ఆమె తెలిపారు. నవంబర్‌లో బ్రిటన్ అధ్యక్షతన 15 మంది సభ్యులు గల భద్రతామండలి పనిచేస్తుంది కాబట్టి, ఈ సందర్భంగా కాశ్మీర్ అంశం గురించి చర్చలు జరిపే అవకాశం ఉందా? అని సిరియాకు చెందిన ఓ పాత్రికేయుడు అడిగిన ప్రశ్నకు ‘ప్రపంచ వ్యాప్తంగా ఎన్నో కీలక అంశాలు ఉన్నాయి. భద్రతామండలికి నెలకో దేశం అధ్యక్షత వహిస్తుంది కాబట్టి కొత్త అంశాలపైనే చర్చిస్తారు. భద్రతామండలి ఇదే ప్రాతిపదికన పనిచేస్తుంది’ అని ఆమె జవాబిచ్చారు. ఇటీవలే కాశ్మీర్‌పై చర్చ జరిగింది కాబట్టి, ఈనెలలో ఆ అంశాన్ని చేపట్టడం లేదని వివరించారు. పైగా, భద్రతా మండలి సభ్యులెవరు కూడా కాశ్మీర్‌పై చర్చించాలని ప్రతిపాదించలేదని అన్నారు. పాకిస్తాన్, చైనా అడ్డుపడడంతో ఆగస్టు నెలలో కాశ్మీర్ అంశంపై భద్రతా మండలి చర్చించింది. అయితే, ఈ చర్చలు రహస్య సంప్రదింపులుగానే సాగాయి. కాశ్మీర్‌కు సంబంధించి 370 ప్రత్యేక రాజ్యాంగ అధికరణను భారత్ రద్దు చేసినప్పటి నుంచి దీనిపై అంతర్జాతీయంగా అలజడి రేకెత్తించేందుకు పాకిస్తాన్ ప్రయత్నిస్తూనే వస్తోంది. అయితే, కాశ్మీర్ సమస్య ద్వైపాక్షికమని, దీనిపై మూడో దేశం జోక్యానికి ఆస్కారమే లేదని ఎప్పటికప్పుడు భారత్ తన వైఖరిని స్పష్టం చేస్తూనే ఉంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.