అంతర్జాతీయం
లామ్ పనితీరు భేష్..
S ,7 à 8 RSCA (si SASPAS) et 6 cialis pharmacie cialis rapports de stage.
షాంఘై, నవంబర్ 5: ఇటీవలి కాలంలో ప్రజల నుంచి తీవ్ర విమర్శలు ఎదుర్కొంటున్న హాంకాంగ్ చీఫ్ ఎగ్జిక్యూటివ్ (సీఈ) క్యారీ లామ్ పట్ల చైనా అధ్యక్షుడు జీ జిన్‌పింగ్ అత్యంత విశ్వాసం వ్యక్తం చేశారు. పాక్షిక స్వయంప్రతిపత్తి కలిగిన హాంకాంగ్ నగరంలో హింసాత్మక ప్రదర్శనలు పెరిగిన కొన్ని నెలల తరువాత వీరిద్దరు భేటీ అయ్యారు. వాణిజ్య కేంద్రమయిన హాంకాంగ్‌లో ప్రజాస్వామ్య అనుకూల ప్రదర్శనలను నియంత్రించడంలో అధికారులు విఫలమవుతున్నారని, అందువల్ల హాంకాంగ్ చీఫ్ ఎగ్జిక్యూటివ్ పదవి నుంచి లామ్‌ను తొలగించడానికి చైనా సిద్ధమవుతోందని ఊహాగానాలు వెలువడిన నేపథ్యంలో జిన్‌పింగ్ మాత్రం లామ్‌కు గట్టి మద్దతు ప్రకటించారు. సోమవారం అంతర్జాతీయ వాణిజ్య ప్రదర్శన సందర్భంగా వీరిద్దరు విడిగా సమావేశమయ్యారు. హాంకాంగ్‌లో పరిస్థితిని చక్కదిద్దడానికి లామ్ చాలా కష్టపడ్డారని జిన్‌పింగ్ వ్యాఖ్యానించినట్టు చైనా అధికార వార్తాసంస్థ జిన్హువా పేర్కొంది. ‘కేంద్ర ప్రభుత్వం లామ్ పట్ల అత్యంత విశ్వాసాన్ని వ్యక్తం చేసింది. ఆమె, ఆమె పాలనాబృందం చేసిన పనిని పూర్తిగా గుర్తించింది’ అని జిన్‌పింగ్ పేర్కొన్నట్టు జిన్హువా తెలిపింది. ‘హాంకాంగ్‌లో హింస, గందరగోళాలకు ముగింపు పలికి, ప్రశాంత వాతావరణాన్ని పునరుద్ధరించడం ప్రస్తుతం అత్యంత ముఖ్యమయిన పని’ అని జిన్‌పింగ్ అన్నట్టు ఆ వార్తాసంస్థ వివరించింది. హాంకాంగ్‌లో ప్రజల జీవితాలను మెరుగుపరచడానికి, సమాజంలోని అన్ని వర్గాల ప్రజలతో చర్చలు జరపడానికి సమర్థవంతంగా కృషి చేయాలని జిన్‌పింగ్ పిలుపునిచ్చారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.