అంతర్జాతీయం
టిబెట్‌లో జోక్యం వద్దు
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, నవంబర్ 11: నిన్నమొన్నటి వరకూ అమెరికా, చైనా మధ్య వాణిజ్య పోరు రగులుకుంటే తాజాగా టిబెట్ వ్యవహారం తీవ్ర సమస్యగా మారబోతోంది. ఐక్యరాజ్య సమితిని అడ్డం పెట్టుకుని టిబెట్ ఆంతరంగిక వ్యవహారాల్లో జోక్యం చేసుకునేందుకు అమెరికా ప్రయత్నిస్తోందని చైనా తీవ్ర ఆగ్రహం వ్యక్తం చేసింది. దలైలామా వారసుడి ఎంపికలో చైనా ప్రమేయం లేకుండా చేయడానికి మరోపక్క ట్రంప్ ప్రభుత్వమూ తమ వ్యూహాలకు మరింత పదును పెట్టింది. టిబెట్ ఆథ్యాత్మిక గురువు దలైలామా వారుసుడి ఎంపిక అంశంపై ఐక్యరాజ్య సమితి దృష్టి పెట్టాలని అమెరికా రాయబారి శ్యామ్ బ్రౌన్ బ్యాక్ సూచించిన నేపథ్యంలో చైనా తీవ్రంగానే విరుచుకుపడింది. దలైలామా వారసుడి ఎంపిక టిబెట్ బౌద్ధ మతస్థులకు సంబంధించినదే తప్ప చైనా ప్రభుత్వానిది కాదని ఆ సందర్భంగా బ్రౌన్ బ్యాక్ వ్యాఖ్యానించారు. వీటిని తీవ్రంగా పరిగణించిన చైనా తమ ఆంతరంగిక వ్యవహారాల్లో ఆమెరికా జోక్యం చేసుకోవడంగానే పేర్కొంది. మత స్వేచ్ఛ పేరుతో ముసుగులో అమెరికా ఈ నాటకం ఆడుతోందని, దానిని తాము తీవ్రంగా ప్రతిఘటిస్తామని పేర్కొంది. దలైలామా వారసుడి ఎంపిక వ్యవహారంలో అమెరికా కుయుక్తులు ఏమీ పనిచేయవని, ప్రపంచ దేశాలన్నీ కూడా అగ్ర రాజ్యం చర్యను గర్హిస్తాయని చైనా విదేశాంగ మంత్రిత్వ శాఖ ప్రతినిధి గెంగ్ చువాన్ పేర్కొన్నారు. దలైలామా వారసుడికి సంబంధించిన నిర్ణయం తమదేనని, ఆ వారసుడు ఎవరైనా టిబెట్‌లో చైనా పాలనను సమర్థించేవాడే అవుతాడని గెంగ్ తెలిపారు. అలాగే, 84 సంవత్సరాల ప్రస్తుత దలైలామాతోనే టిబెట్ స్వయం ప్రతిపత్తి డిమాండూ అంతరించిపోతుందని చైనా ప్రతినిధి వ్యాఖ్యానించారు. దశాబ్దాలపాటు టిబెట్ అటానమీ కోసం ప్రపంచమంతా తిరిగి ప్రచారం చేసిన దలైలామా ఇప్పుడు అలసిపోయారని చైనా పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.